Ermiyaas 32:23 - NABUWWA KEE MALIKWA

²³ Takkay immay a baaxo guffu heenih teetil dabaaqah gaceenik wadir, ku yab kassitak maraaqinnon. Atu keenik aba intem kee keenik akah xiina inte xinto cineenih. Aba inteh ken akah amrisseemik tu aboonu cineenih. Tonna leemiik a bala keenil oobisse.

Ermiyaas 32:23 ပူးပေါင်းရင်းမြစ်များ

Qedra 9:7

Ni kaxxa abbobtih dabaanaay, akke, neey ku mara kinnihiyya dambi abittok way maadayinnino. Nanu abne dambik gexxaamah, neey ni malikwa kee seekak nakkeemiik, marin malikwah milkih gacneeh; nee buubeeniih, nee qideeniih, seewah casbit yabbixen marih gurral nee been. Caddi akah abe waan maray qaybit radehiyya nekkeh sugneeh, uxih too marah akah nan.

Nacmiya 9:15

Satqiten saaku, qaraanak maaqo keenih oobisse. Bakaariten saaku, xixxaqak baguk lee keenih teyyeeqe. ‹Ikoytah siinih aceeyyo axcuk, xagna siinih akah cule baaxo qeebit ibbixa› keenik inte.

Ermiyaas 2:7

Tokkeek niqmatah tan baaxoy kudaar kee buqre elle aboonu waanahiyya fan ken baahe. Takkay immay yi baaxoy siinih eceehiyya caraamu yok abten. Baaxo yok wasak abten.

Ermiyaas 26:4

Kol ruuba farmo ah teeti. Keenik intamaa, ‹YALLI siinik iyyamaa: Yi yab ankacisaay anu ahak dumaak siinil oobise kitaabay yi xinto elle tanihiyya intam abaay;

Ermiyaas 44:10

A saaku fan yoh rammitten saaku manton. Yoo teyneben saaku kaadu manton. Anu siinih oobise xinto kataya mara makkinniton.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Yacedkel 20:18

«Ken xayloy bacaril tenek exceemih, ‹Ama sin abbobti kataatak sugte gabak bicsen ceelo makataatina; ken xinto kaadu makataatina. Xeet kee cooxuk bicsen duyyeh ceelot, isinni nadaasa maabina.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yoosuwa 21:43

YALLI, Israayil ummat akak radde ken kaxxa abbobtik, «Siinih aceeyyo» iyyeh kaxxa xagana akah cule baaxo, oson rabeenik sarra keenik rade marah yecee. Israayil ummat too baaxo tibbixe saaku teetil nooken.

Yoosuwa 23:16

Usuk xagura siinik iyye kay xinto xagure wayteeniih, tonnah kaadu, YALLAY sin Dagelta kinnihiyya maaqilla hayteenih, deedaltamay yalla axcuk yaqbudeenihiyya tuqbudeenik, wohih taamat gacteenik, YALLI isi bagcarrat sin digaaleleeh; away siinih yecee niqmatah tan baaxol num siinik maraaqa» keenik iyye.