Ermiyaas 32:18 - NABUWWA KEE MALIKWA

¹⁸ Qadad sinni marah amurruqe sinni kacanu yaybulle Dagelta kinnitooh; kaadu xaleena bahte qellatah xaylo digaala Dagelta kinnito. Qande kee cayla le Dagelta kinnitooh; ku migaq YALLAY Nabaamak Nabahiyya.

Ermiyaas 32:18 ပူးပေါင်းရင်းမြစ်များ

2 Malikwa 9:26

‹Kimal Nabot kee kay xayloh raba ubleh immay koo kaadu too baaxol digaaleyyo› kaak iyyem hawwentaa?» iyye. «Hay, toh kassittek, Yooram-ginaada beyay, YALLI akah iyyem takke'gidih, Nabot-buqreh-baaxot qid» 'yaanam isi catottah numuy Bidkar deqsitahiyyak iyye.

Nacmiya 1:5

exceemih, «YALLAW, Qaraanal yan Dageltaw, atu naba Dagelta kinnitooh; nanu kok meysinnah. Koo kicna mara kee ku amri oggola mara lih abte bica xagura Dagelta kinnito. Woo mara luk lito kacani mayambaxa.

Yasaqya 10:21

Israayil-marak baatik saaboh raaqe mari, isi Dageltay qande lehiyyal aduurele.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 10:6

YALLAW, ku bis lem matan. Atu qande le Dagelta kinnito. Ku migaq nabna kee qande le.

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 31:35

Ayro laqo ifissa'gidiiy alsa kee cutuuka bar ifissa'gidih haytem YALLA. Bad sabo baaha'gidih tasgayyem kaa. Kay migaq YALLAY Nabaamak Nabahiyya.

Ermiyaas 33:2

«Ko'lih yabtam, YALLAY addunya gineeh tet missoyseeh tet daabisehiyya kinni. Yi migaq YALLA.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Daaniyel 2:45

Gabah num xage'kal qalek baxsimma 'yeh rade xaay soonol tublehiyyak maqna toh teeti. Too xaa, birtaay nacaasaay kallaay lakqo kee dahabak bicsen ceelo aggilih tuble. Yallay Nabahiyya sarra takku waytam koh warseh yan. Atu soono elle tublem, hununuh tama'nnaay; teetik nummâ-maqna koh warseh» kaak iyye.

Cabakkuk 1:12

Cabakkuk tohuk lakal iyyeemih: «YALLAW, atu dumaak yan Dagelta kinnitooh, waara Yalli koo. Kudduusuk yan Dagelta kinnito. Aqbudem kooy; yoo dacrissam koo. YALLAW, Baabelon mara sinaamak addak doorru hayteh nee edde digaalan qande keenit hayte.