Ermiyaas 32:17 - NABUWWA KEE MALIKWA

¹⁷ «Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Ermiyaas 32:17 ပူးပေါင်းရင်းမြစ်များ

2 Malikwa 19:15

YALLA kallace. Dooqah iyyemii, «YALLAW, Israayil doore Dageltaw, ku dardaarinnih korsi galwa leemik daga raqta. Addunya xiinissam, kooy; kook sah Yalli mayan. Qaran kee baaxo gintem koo.

2 Malikwa 3:18

Eliisaq toh lih kaadu keenik iyyemii, «YALLAL ahamih abto kaxxam hinnaay, kalah kaadu Mooyab marak qeebil sin aysiisele.

Nacmiya 9:6

YALLAW, Yalli dibuk koo. Qaran ginteeh; qaraanal tan cutuuka inkih gintem koo. Baaxo kee baaxol tanim inkih ginte; bad kee badat tanim inkih ginte. Rooci leemit inkih rooci haytem, koo. Qaraanal eneyya 'tam qibaada koh abta.

Yasaqya 42:5

YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 45:12

Baaxo tuklukem yooy; baaxol gaca'gidih sahdaytu tuklukem yoo. Qaran inni gabat fidise; ayrooy alsa kee cutuuka yi milkih tan.

Yasaqya 59:1

YALLI ux-gabay sin aleele waytahiyya lem makkalina; catoh kaah sectan waqdi, ayti maliy aabbe waa makkalina.

Ermiyaas 1:6

«Too waqdi anu Yallak exceemih, ‹YALLAW, Mulki le Dageltaw, anu innih qunxa num kinniyooh, elle yaaba'nna maaxiga› exce.

Ermiyaas 14:13

Too waqdi anu excemii, «YALLAW, Mulki le Dageltaw, nabuwwa, ‹Ahak wadir carbi mayanaay qulul mayan. Yalli a baaxo kulli waqdi amaanah xiiniseyyo nek iyyeh qahdi neh cule› axcuk, ummattah warsan» 'yaanam exce.

Ermiyaas 27:5

Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Ermiyaas 32:27

«Anu YALLA kinniyooh, ginna hee marak inkih Dagelta kinniyo. Anu affarem matanaay, yoh akke wayya haytam matan.

Ermiyaas 33:3

Yoh sec. Yoh secta way, seeco kok aabbeyyo. Kaxxa assakat leemiy aaxige waytay qagabah tanihiyya koo aybulleeyyo.

Ermiyaas 4:10

YALLI toh yoh warse waqdi, anu kaak excemii, «YALLAW, Mulki le Dageltaw, atu a mara aylahisseh tan. Ahaysa amaanah xiine loonu 'yaanam inte'mmay, taway elle able'nnal, gile katlal keenik tanih tan! Tonna leemiik keenil makteh» 'yaanam exce.

Ermiyaas 51:15

YALLI addunya isi qandet gine. Isih leh yan ixxigat inkih yan baad yukluke. Qaran kaadu fidise Dagelta kinni.

Ermiyaas 51:19

Yaqkuub doore Dagelti woo duyyeh bis le Dagelta hinna. Kullim gintem kaa. Isi mara ummatak tiysiisem kaa. Kay migaq YALLAY Nabaamak Nabahiyya.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 9:8

Qidimih gaba heen waqdi, anu dibuk wokkel sugeeh; too waqdi baaxok bagul gomboh radda exceh deero abe. «YALLAW, Mulki le Dageltaw, Yarusalaamah abta bagcarrat Israayil ummatak raqte saabo seltaa?» exce.

Daaniyel 2:22

Qellittaah sirrik tanim qaddossam kaa. Diteh addat qellittam tablem kaa. Ifi maroh edde yanim Yalla.

Daaniyel 6:20

Tokke yemeete waqdi meysitak Daaniyelih seeceh, «Daaniyelow, waara Yallih naqasow, atu baguuk taqbude Yallay ku Dagelta kinnihiyya lubookak koo catee?» kaak iyye.

Zakariyya 12:1

YALLI ruube farmo ah teeti. YALLAY qaran fidiseeh baaxo gineeh sahdaytut rooci heehiyya Israayil marak iyyeemih:

Zakariyya 8:6

Taham away raaqe marat numma macelta'mmay, tahat yabtam yoo YALLAY Nabaamak Nabahiyya. Yoh akke waytam matanaay, anu affarem mayyum yaaxigeenimi.