Ermiyaas 31:8 - NABUWWA KEE MALIKWA

⁸ Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Ermiyaas 31:8 ပူးပေါင်းရင်းမြစ်များ

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 43:6

Kiblat le kabu marak, ‹Ken maxaginay gexoonay ken inxica› axceyyo. Gabbi-qaxat raaqa marak, ‹Gexe ken makalina› axceyyo. Inni xaylo xer-baaxoy elle yaniinik gacseyyo.

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Yacedkel 20:34

Ama fixixih elle tanin baaxok sin bahha heeh inki aracah sin gacisu waa saaku, yi gabay qande le kee, abeh an bagcarra sin aybulleeyyo.

Yacedkel 20:41

Isin fixixih elle sugten baaxok sin eyyeqqaay titta fanah sin gacissa heek sarra, isin teceen sadgatay yoo ruffa heehiyya akah oggole'nnah, sin oggoleyyo. Sin addal abu waamat, gersi baaxol yan mari taahirik anim yok aaxigele.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Yacedkel 34:13

Marin baaxok ken gacseyyooh, inki aracal ken gaaboyseyyo. Wadir ken baaxo ken gacseyyo. Israayil baaxoy qaleela leeh buyyitte lehiyya ken gacseyyooh; akadah (agdah) yan arac ken beyya heeh, ken aylooleyyo.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Miika 4:6

YALLI iyyeemih «Anu digaale maray fixiixit yaniih ceyah addat yanihiyya, edde gaaboysu waa ayro amaatele.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Zakariyya 2:6

YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.