Ermiyaas 31:34 - NABUWWA KEE MALIKWA

³⁴ Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Ermiyaas 31:34 ပူးပေါင်းရင်းမြစ်များ

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 29:24

Too saaku yab ayti akak cule waak sugte hawri-maleela yaabat radele; bagi cubbi geelon. Kulli way ceele-wayto baahak suge mari meqem bartele» iyyah yan.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yasaqya 38:17

‹Afqado yok abte ankaya maqaaneey meqem yoh xalte. Yoo akcinuk, rabak yoo catteh; abe dambi yoh cabteh tan› 'yaanam yi Dageltak exce.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 52:6

Tonna'mmay yamaatu waa dabaanal yi mari anu Yalla kinniyom aaxigeleeh; too ayro, ‹Wagitey ah yoo› intam yoo kinnim aaxigelon» iyyah yan.

Yasaqya 54:13

Ku addal tan ummatta abtu waytam innih ken barseyyooh, meqe manooy amaanah ken xiiniseyyo.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

Ermiyaas 33:8

Yol baahen dambik qafu keenih abeyyo. Edde sugen dambi kee abak sugen yabti-cinak kaadu qafu keenih axceyyo.

Ermiyaas 50:20

Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Hosiqa 2:20

Siinih cule xagna siinil mamaka. Akah exce'nnah, inni mara sin abeyyo. Too saaku YALLA kinniyom yoh aaxigetton» iyye.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

Miika 7:19

Ahak sarra isi racmattah neh racmatetto. Nanu abne dambit taqiteh badak iqiyal qidetto.

Cabakkuk 2:14

Bad kibuk akah yan innah, baaxol yan mara kaadu YALLIH nabnah ixxiga duudele.

1 Samuwel 2:12

Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,