Ermiyaas 31:32 - NABUWWA KEE MALIKWA

³² Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Ermiyaas 31:32 ပူးပေါင်းရင်းမြစ်များ

1 Malikwa 8:9

Sandug addat geytimak tenem, namma luucuy xeetik bicseenihiyyak ten. Israayil mari Masri rasuk eweqqa 'yeh safarat yan saaku, YALLI Siinâ-qaleh amol Israayil mara lih abe qahdih-yab too luucul yunkuttube. Too namma xaa too Sandugih addat haytem Muusak ten.

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Yasaqya 41:13

Macaay inteenik, yoo YALLAY sin Dagelta kinnihiyya qande siinit haah, ‹Mameysitina. Sin cateyyok› siinik axce» iyye.

Yasaqya 54:5

Macaay intek, baqli innah koo dacrissam, koo gine Dagelta; YALLAY Nabaamak Nabahiyyah tanim kaa. Koo waddam, Israayil doore Dageltay kudduusuk yanihiyya; inkih tan addunya xiinissam kaa.

Ermiyaas 11:3

‹Yoo YALLAY Israayil doore Dagelta kinnihiyya, sin kee yi fanal yekke qahdi xagure waa mara abaareyyom keenih waris. Ta qahdi, anu ken kaxxa abbobti Masri rasuy urta gira keenil yekkehiyyak ken baahe saaku, ken lih hee qahdi. Too saaku, «Yi amri oobbeyaay anu siinik aba axcem aba» 'yaanam keenik exceh en. Yi yab oggolteenik, yi mara akkettoonuuh; anu kaadu sin Dagelta akkeyyo, keenik exceh en.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Ermiyaas 22:9

Sinam, ‹Amah YALLI teetil akah baahem, teetil yen mari YALLAY ken Dagelta kinnihiyya lih luk yen qahdi hawweeneenih, kaa cabba heenih duyyey gabak bicseenihiyya yaqbudeenim baahen› 'yaanam axcelon, 'yaanam kaak inxic, yok iyye» iyye.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 31:1

YALLI iyyemii, «Too dabaanal Israayilik radde kedooda yi mara akkeloonuuh, anu amo keenik wagta Dagelta keenih akkeyyo. Tah intam yoo YALLA» 'yaanam iyye.

Ermiyaas 34:14

Toh macak tan inteenik, Qibraanah yooboke num naqasuh yeddere num yenek, lica sanat kaah taamitak sugek lakal, malcinhaytô sanat elle yamaate'kkel, currih gexitay kaa intaanam siinil ten. Takkay immay duma sin kaxxa abbobti yi yab aabbuk masuginnaay, anu keenik axceemit maqal haysitak masuginnon.

Yacedkel 16:8

« ‹Sarra aki saaku wokkek gaca waqdi, dadalteeh baxuwwa tekkem kok uble. Qasunuk kok yan xagaral inni saroh exxa koh hayya heeh, koo kiciyyom koh warseh. Tokkel kol digibeyyoomuh qahdi koh culeeh; koo abiteeh yim tekke. Tahat yabtam yoo YALLAY Mulki lehiyya› iyye.

Yacedkel 20:37

‹Gaba nagay digga siinil heeyyooh; yo'lih hayten bica akah duudussan innah siinik abeyyo.

Yacedkel 23:4

Keenik barah naba maqanxá migaaqah Ohola deqsitak ten. Ohola, Samaariya deqsitta magaala kinni. Qunxa maqanxá Oholiba deqsitak teneeh, is kaadu Yarusalaam magaala kinni. Anu ken nammayal rihimeeh, xaylo yoh xalen.

Hosiqa 11:1

YALLI iyyeemih, «Israayil qunxuk yen saaku kaa kicinuk en. Tonna leemiik, inni baxih innal, Masrik addak kaah seece.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.