Ermiyaas 31:30 - NABUWWA KEE MALIKWA

³⁰ Tahak wadir qeero lem yunxuqe numut qeero baahele. Kulli num isih abe umaaneh antixibbixele» 'yaanam iyye.

Ermiyaas 31:30 ပူးပေါင်းရင်းမြစ်များ

2 Malikwa 14:6

Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay, xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.

Yasaqya 3:11

Woyyow, uma marat takku waytaama! Umam aba num bayeleeh; kullim kaat aamele. Sinaamal baahem kaal baahelon.

Yacedkel 18:20

Rabi akah yaguudem, dambit asa mara. Abba baxi baaheemih madiggalsimaay, baxi abba baaheemih madiggalsima. Meqem abite num meqem geyaah, umam abe numuh umam sugta.

Yacedkel 18:4

Kulli numih rooci edde yanim yi gaba. Xaleena kee xaylo rooci edde yanim, yi gabah adda. Dambit ase num isih raba» iyye.

Yacedkel 3:24

Takkay immay Yallih *Roocaaniyya xagarat yok gacteeh; edde soola qande yot hayte. YALLI yok iyyeemih, «Buxah gexay qari isit alif.

Yacedkel 33:13

Meqe num waareleemih qahdi kaah culek lakal, usuk isih ‹Duma abe maqaane yoo xiqtah› 'yaanam niyat hayya heeh, uma-taama qimbise kaa tekkek, duma abba hee maqaanek tut baaqid kaak maha. Takkay immay isih abe uma-taamah isih rabele.

Yacedkel 33:18

Duma cakkik tanim abak suge num woo cakki cabba heeh uma taamah abittot gacek, too umaaney edde asahiyyak gexxaamah rabele.

Yacedkel 33:8

Uma-taama le numuk, ‹Atu uma-taama litooh isi qamalah rabetto› kaak axce waqdi; woo num rabak cattiima'gidih, ‹A edde tan uma taama cab› 'yaanam kaak axce wayya haytek, usuk too abak suge uma-taamat edde rabele'mmay, too numih raba kok weeyyo.