Ermiyaas 31:22 - NABUWWA KEE MALIKWA

²² Imaan-maleelay, ahaysa namma kalbi caba. Dumah akke waytem bicsam faxa. Toh macaay inteenik, barra labhaytu dacrissu wayta wakti baaheyyo» 'yaanam iyye.

Ermiyaas 31:22 ပူးပေါင်းရင်းမြစ်များ

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Ermiyaas 13:27

Anu innih niqbiyom abah sin uble. Barril, koomaamih amol duyye aqbudih sin uble. Too duyye elle aninnaan ikke, cuggayti barrah dalwah kuula num elle kuula'nnal, isin kaadu too duyye taqbudeeni'gidih too duyye elle aninnaan ikke lakal gexxan. Danan oklô-lakal nikloh elle yarde'nnal, too duyyeh lakal tarden. Yarusalaam maraw, edde taniinim baatik, taahirrowtoonu waytaanam maa saaku?» 'yaanam siinik iyye.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 2:18

Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 3:4

A saaku hay, ‹Yallaw, ni abba kooy; akkeey qunxaane nee kicintoh› 'yaanam yok intan.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 4:14

Yarusalaam ummatey, waddintaana'gidih umaane afqadok isinnik kala. Bagut umaane kulli way maay xiinissan?

Ermiyaas 49:4

Imaan maleelay, ‹Ni baaxo niqmat le baaxooy; linom kaxxa midiri› intan. Isinni caylat kaxxam takkalen; ‹Net qeebi abu num mayalliila› axcuk hidah rabtan.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 14:4

YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 8:5

Samaariyal yan maraw, dahabak bicsen daheltih ceeloy taqbudeeni ablem mafaxa. Tah aba mara anqibeh. A mari taahirik tan taama abu waam, maa saakuk tan kaa?

Zakariyya 7:11

«Takkay immay yi mari yi yab cineeh, darre yot cabba haak misinkaca isinnik alfeenih.