Ermiyaas 31:14 - NABUWWA KEE MALIKWA

¹⁴ Seeka kaxxa cayih cayiseyyo. Yi mari yi niqmatak cayyele. Tahat yabtam yoo YALLA kinni» 'yaanam iyye.

Ermiyaas 31:14 ပူးပေါင်းရင်းမြစ်များ

2 Aydaad 6:41

Dageltah yan YALLAW, qibaadah xisen qari fan amey, tokkel dabqih gaceey! Ku qahdi addat le sanduguy ku qandeh asta yascasse, tokkel dabqih gaceey! Dageltah yan YALLAW, ku seekah yan mari, sartan innah, cakkit gacoonay. Imaan kol le mari ku maqaanet ruffu inxicay.

Nacmiya 10:39

Israayil kee Leewih yooboke marii, darooy, qinab-kamri kee caxâ xaylok bicsen *zeyti, Yallih Qibaadah Qarih faxxinta duyye elle daanisan makdanal hoonay. Tohuu, Yallih Qibaadah-Qaril Yallih taama abta seeka dabaaqah elle taniih, Yallih Qibaadah-Qarit saare aba mari kee dacayrih yan mara kaadu dabaaqah elle yanihiyya. Ni Dagelta elle naqbude qari dibu kaa mabna› 'yaanam elle ten.

Yasaqya 25:6

YALLAY Nabaamak Nabahiyya addunyâ-bagul enna 'ta ummattah, a Siyon qalel, kaxxa xigla abele. Too xiglah kulsa le maaqo kee qinabak bicsen kamriy kulsa lehiyya bicsele.

Yasaqya 61:6

YALLIH seeka siinih axceloonuh; ni-Dageltih-taamat gace mara siinih axcelon. Doolatwa tedderem sinim akkeleeh; wohul kaxxiinitetton.

Ermiyaas 31:25

Qamal-malit qande heeyyooh, qulul le num cayiseyyo» 'yaanam yok iyye.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 50:19

Israayil mara le baaxoh gacseyyo. Ahak sarra ken laa Karmel kee Basan rasul aloolele. Efrayim kee Gilqad rasul taabuku wayta darok isinnih faxeenih gide akmelon.

Yacedkel 34:14

Israayil rasul akadah tan qaleela kee goloola beyya ken heeh, wokkel ken aylooleyyo. Tokkel meysi maleh akah yaloolen innah keenik abeyyo.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.