Ermiyaas 31:12 - NABUWWA KEE MALIKWA

¹² Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Ermiyaas 31:12 ပူးပေါင်းရင်းမြစ်များ

Yasaqya 1:30

Laqaymuume coox kee lee sinni bustaan innah gacetton.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 52:8

Magaalak gasoh afa dacrisa mari xongolo fayya haak ruftoh saxxaq aban. Macaay inteenik, YALLI Siyon fan yaduurem isinni intit yableenih yanin.

Yasaqya 58:11

Anu kulli way sin miraaciseyyooh gadaamittan waqdi, amqinnaanimik sin cayiseyyo. Qande siinit heeyyooh mango lee geyte buqreh innah sin abeyyooh way kafe waa buyyi sin abeyyo.

Yasaqya 60:20

Rooka gaba kok edde kalta wakti amaatele. Yoo YALLI way baruge sinni ifu koh akkele; ayro kee alsah ifuk fula koh ifisak sugeyyo.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Ermiyaas 3:14

Qagissa heeh iyyamaa, «Imaan maleelay! Yi mara kinnitoonuk, yol uduura. Sin Dagelti yoo. Kulli magaalak num-num siinik beeyyooh, kulli gulubuk kaadu namma-namma num siinik doorru heeh, sarrak Siyon qale fan sin beeyyo.

Ermiyaas 31:24

Ahak wadir ummat Yuudâ-rasu kee tet addal tan magaaloolil inkih dabaaqah titta lih gacele. Buqre-aba mara kee illit duwah yan mari titta lih dabaaqah gacele.

Ermiyaas 31:25

Qamal-malit qande heeyyooh, qulul le num cayiseyyo» 'yaanam yok iyye.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 31:6

Qibaadâ-Qari dacrisa mari Efrayim qaleelah amook deero abeleeh, ‹Annah nel amey; YALLAY ni Dageltah yani naqbude'gidih, Siyon qale fan nee beya› 'yaanam axcuk, sinaamah deero edde aboonu waan wakti amaatele» 'yaanam iyye.

Ermiyaas 31:7

YALLI kaadu iyyemii, «Israayiliy doolatwak inkih nabahiyyah qililisa. Qililisak abtan saare fayya haak aba. Anay fayya haak, ‹YALLAW, isi ummatta wad. Israayil ummatak raqte saabo cat› axcuk kaa faylisa.

Ermiyaas 32:15

YALLAY Nabaamak Nabah, Israayil doore Dagelta kinnihiyyaa, ‹Buxaaxi kee buqre-baaxo kee qinab xala coox elle yaabuke baaxo, wadir edde limmoysoonu waan wakti amaatele› 'yaanam iyyeh yan, kaak exce.

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 33:13

Qaleela le rasul tan magaalooli kee, mango koomaami le baaxol tan magaalooli kee, Yuudâ-rasuk gabbi-qaxat raqta baaxol tan magaalooli kee, Benyam rasu kee Yarusalaam xaqul tan gaandoodi kee Yuudâ-magaaloolil, illit duwah yan mari edde yan illik yakkeh gide edde loowan wakti amaatele. Tahat yabtam yoo YALLA» 'yaanam iyye.

Yacedkel 17:23

Israayil rasul tan amo xer qalel daabiseyyo. Tokkel dadleleeh, ludwa baaheleeh xaylo xalele. Kaxxam qaxa baahele. Mango kimbir amol teetik silaalitele.

Yacedkel 20:40

Yi qaley taahirik tanih amol, Israayil maraw, yoo aqbudetton. Fayya le Israayil qaleh amol, Israayil mari inkih yoo aqbudelon. Too saaku sin assakooteyyooh, sadgat kee muxxo le mattaco kee taahirik tan acway gabat bahtoonu waytaanahiyya siinik oggoleyyo.

Yacedkel 34:14

Israayil rasul akadah tan qaleela kee goloola beyya ken heeh, wokkel ken aylooleyyo. Tokkel meysi maleh akah yaloolen innah keenik abeyyo.

Yacedkel 36:30

Coox-xaylo kee buqrek daro siinih aymaggeyyooh; tohuk gexxaamah, ummat addal qawratak sin qida qulul matablan.

Hosiqa 3:5

Tohuk lakal Israayil mari YALLAY ken Dagelta kinni kee ken malikih yen Dawuduk rade amoytih fan edde yaduuroonu waan wakti amaatele. Too saaku YALLIH meysi xagarat keenik gaceleeh; YALLIH maqaane geelon» iyye.

Ayyuqel 3:18

Too ayrooral qaleeli qinab cooxuk amaggele; laahi kulli qaleelal aloolele; Yuudâ baaxol inkih yan sanat buyitte racele. Yallih Qibaadah-Qarik obta lee Tikible Golol darah oobele.

Caggay 2:19

Darok raqtem ane waytaah, qinab xala cooxuk raqtem ane waytaah, rummaana kee *daytuun kee *subla coox ahayduma xaylo xaleh suge waamah, ahak wadir barkat siinit heeyyooh, sin gaddaliseyyo» iyye.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.