Ermiyaas 31:11 - NABUWWA KEE MALIKWA

¹¹ YALLI, Israayil-mari away edde yan xixxibaanek ayyaaqele. Caylaleelâ-gabak ken ayyaaqele.

Ermiyaas 31:11 ပူးပေါင်းရင်းမြစ်များ

Yasaqya 44:23

YALLI isi taama abeh yanik, qaraanow ifric; ifricay qililis. Baaxoy kaadu ifricay qililis. Qaleela kee garbol yooboke cooxow, ifricay qililisa. YALLI Israayil ummat wadeh; isi qax-maqaane Israayil ummattat aybulleele.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 49:24

Qaskariiti seewah orbisem, gabah addak iyyi kaak beyam duuda? Racmatta sinni abbah gabat yan num, iyyi yayyaaqem duuda?

Yasaqya 49:25

Takkay immay YALLI, «Toh tekkeemi» 'yaanam iyya. «Sin lih aaminnaan mara lih anu aameyyo. Qaskar gabat yan casbi mari asillimele. Racmatta sinni malik seewah orbisem gabak kaak kalelon. Sin xaylo umaanek anu cateyyo.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Ermiyaas 50:33

YALLAY Nabaamak Nabahiyya iyyemii, «Israayil kee Yuudâ-mari kaxxa xukkoh addat yan. Ken yabbixe mari wagittoh keenit yaniih, rike ken gexi mahaan.

Ermiyaas 50:34

Takkay immay ken cattu waytam, inki celemi. Maa celemiiy inteenik, YALLAY Nabaamak Nabahiyya. Keenit tekkeemih adda isih wagtele. Baabelon mara amaan waysiisele'mmay, gersi mara inkih amaanah xiinisele» iyye.

Hosiqa 13:14

«Ta mara raba kee akeerak maay cateyyoo? Rabaw, ken bakta'gidih am! Akeeray, ken hirig! Ahaysa keenih maxuwaawa.

Zakariyya 9:16

Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.