Ermiyaas 31:10 - NABUWWA KEE MALIKWA

¹⁰ Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 31:10 ပူးပေါင်းရင်းမြစ်များ

Yasaqya 24:14

Woo saaku rabak raaqe mari africeleeh qililisele. Ayrô-culma le kabul yan mari YALLIH misliinot yaabelon.

Yasaqya 27:12

Too ayro YALLI, Furaatak xabba haanamaay Masri cuduudul yan daqaarah amma 'yaanam fan, Israayil ummat gaaboysele. Isi mara gaaboysele. Kamadik caffa elle baxsan innal, ken baxisak ken gaaboysele.

Yasaqya 40:1

Sin Dagelti qangara yaabe: «Yi ummatat niya hayisa; aytikuma keenik 'xica.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 41:1

Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Yasaqya 42:10

YALLA qusba faylah faylisa! Baadal yan maraw, fayla abaay YALLA saarisa. Badal safarat yan maraw, kaa saarisak candu kaah gacisa. Badak addal enna 'taamay rooci lehiyya candu YALLAH gacissay. Xer baaxo kee xer baaxoh maraw, YALLA faylisa.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yasaqya 54:7

«Dumah dago waktih gide koo maaqileh suge'mmay, awayah tu gactek, kaxxam koh xuwaaweh innil koo gacseyyo.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Yasaqya 66:19

Ken fanat asta hee liyo. Garabak teena keenik wadeyyooh, yi migaaqaay yi nabna kee yi qande elle aaxige waan baaxooxay kulli kabu geytintahiyya fan ken ruubeyyo. Ken ruubu waam, Isbaaniyaay Liibiya kee Liidiyah baaxo. Liidiyah mari nagay gaysê-baxa sahdat elli haa inna yaaxige mara kinni. Wohuk kalah ken ruubu waam, Giriik kee Tuubal kee xer baaxoy baddaafal tanihiyya. Oson yi nabna ta marih addal baxxaqiselon.

Ermiyaas 23:4

Amo keenik meqe'nnah wagittu wayta abbobti keenih heeyyo. Yi mari ahaysa cunxoh marabaay, ‹Maca net akkeleh?› did m'iyyaanaay, fixixih magexan. Ahat yabtam yoo YALLA» 'yaanam iyye.

Ermiyaas 25:22

Suur kee Sayda deqsitta namma magaalah malikwaay, Maditraaniyah badih dariifal ten malikwaay,

Ermiyaas 3:15

Tokkel yi yab yaabbu waa mara abbobtih siinik heeyyo. Abbobtih siinik hayu waam, qakli le maraay; too mari kasat sin xiinisele.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 50:19

Israayil mara le baaxoh gacseyyo. Ahak sarra ken laa Karmel kee Basan rasul aloolele. Efrayim kee Gilqad rasul taabuku wayta darok isinnih faxeenih gide akmelon.

Yacedkel 11:16

«Too mari toh iyya'mmay, atu ama seewah been marak intaamah, ‹YALLAY Mulki lehiyya siinik iyyaamah: Allî-baaxo sin rubteeh, kulli baaxol fixixih sin tabbixem, yooy; uxih dago wakti ama fixixih elle tanin baaxol, taahirik yan aracal elle suge'nnal, sin lih an› keenik inxic.

Yacedkel 20:34

Ama fixixih elle tanin baaxok sin bahha heeh inki aracah sin gacisu waa saaku, yi gabay qande le kee, abeh an bagcarra sin aybulleeyyo.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Daaniyel 11:18

Tohuk lakal baddaafal tan baaxooxal yan marat qeebi abeleeh, mango marak keenik aysele. Takkay immay aki baaxok yemeete makaabanti kaak ayseleeh; luk suge kaxxiinat kaa macaba. Too num sinaamat abak suge kaxxiinak gexxaamah, sinam kaal akah kaxxiinitta'nna kaak abele.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 4:6

YALLI iyyeemih «Anu digaale maray fixiixit yaniih ceyah addat yanihiyya, edde gaaboysu waa ayro amaatele.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Zakariyya 10:8

Inni ummatah seeceyyooh, tittal ken gacseyyo. Umaanek ken cateyyo. Mangah duma akkuk sugeenih gideh ken abeyyo.

Zakariyya 2:6

YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.

Zakariyya 9:16

Illi dacrisa loyni saq alak elle cata innal, YALLAY ken Dageltah yani isi mara isih iyye ayro wonnal catele. Kay mari kay baaxol jawharatak bicsen kalabtah innah ifele.