Ermiyaas 30:5 - NABUWWA KEE MALIKWA

⁵ YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Ermiyaas 30:5 ပူးပေါင်းရင်းမြစ်များ

Yasaqya 5:30

Too qaskar Israayil marat, bad haffo baaha way dub elle iyya innal, keenit kaayoonu waan wakti amaatele. A baaxo wagga hayteenik, ditet yan maray abam waagisaah yankikkiqehiyya abletton. Qamburre ifu qellisele.

Yasaqya 59:11

Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Ermiyaas 12:12

Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 25:36

Ankacca haay! Baaxoh abbobtih yan mari weeqat yan. YALLI baaxo keenik bayseh, booget yanin.

Ermiyaas 30:4

YALLI Israayil kee Yuudah yooboke marih qaadak iyyem ah teeti.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Ermiyaas 8:16

Neh qeebih yamaate mari Daan deqsitta magaala gufeh yan. Ken faaris abah yan xongolo nel radda. Oson edde yanin faaris abah yan xongoloh, inkih tan baaxo axaxittah tan. A mari akah yamaatem, ni baaxo kee tet addal enna 'tam baysa'gidiiy ni magaala kee tet addal yan mara sela'gidi» 'yaanam iyyan.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.

Cabakkuk 1:10

Ta mari, malikwa qunxa intit yable mara kinnon. Kaxxa maray doolatat yanihiyyal qangi asalah rabaanah. Faxe gaso haanamah magaala cule ken kalaanam maxiqan. Magaalat maroh tan gasot ballaaqe massossa heenih teetil koreenih, tet abbixelon.

Cabakkuk 1:6

Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.