Ermiyaas 30:21 - NABUWWA KEE MALIKWA

^21-22 Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Ermiyaas 30:21 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Nacmiya 7:2

Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

Yasaqya 63:1

Edom-rasuk Bosrâ-magaalak tamaatem iyyay? A qajaaqibih yan sartanay xarbat qassoowehiyyat gacteh, fooca fan annah nabna kee kaxxa qande luk tamaatem iyyaay? «Tah, yooy sahda waduh qande leeh, qadaalat luk yaabak yamaatehiyya kinni.»

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Hosiqa 1:11

Yuudâ mara kee Israayil-mari wadir kaadu angaleleeh inki mara akkelon. Inki amoyta haysitelon. Isinni baaxol gaddaleela akkelon. Yidraqel-ayro, kaxxa ayro akkele.