Ermiyaas 30:19 - NABUWWA KEE MALIKWA

¹⁹ Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Ermiyaas 30:19 ပူးပေါင်းရင်းမြစ်များ

Qedra 6:22

Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.

Nacmiya 8:12

Too waqdi suggu 'ye mari inkih yakkeemiik buxah yuduureeh; kitaabal taniimit radeenimih sabbatah, walamwallitak maaqo yokmeeniih yooqobeenih, luk sugeenim tu aalle waa marah yeceen.

Nacmiya 8:17

Seewah ken elle beenih sugen baaxok yuduure mari inkih daboyta xissite. Tannah tanim Nuun-Yoosuwa yen dabaanak wadir ummatta abteh masuginnaay, too saaku ummatta kaxxam ruffu 'teh asse.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 26:15

Ni baaxo kaxxa rasuh hayte; YALLAW, tet kaxxa rasuh hayte. Baaxo dumak baguh teymeggeh. YALLAW, atu litoh tan nabna, baadal doolatwa takkeemik, aaxaguk maacisele, YALLAW.

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:11

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Yasaqya 60:19

Ahaysa laqo ayroh ifut faxxu waytam mantu; bari kaadu alsah ifut faxu waam mali. Yoo YALLI way-baruge-sinni-ifu koh akkele; nabna ku Dageltak geetto.

Yasaqya 60:22

Siinik qunxa mari naba mara akkele; siinik gaca mari qande le mara akkele. Anu YALLA kinniyooh; edde akkeh meqe waktit, taham inkih xayuk absiiseyyo» 'yaanam iyyah yan.

Yasaqya 60:9

Aham xer baaxok yamaate maraakibi; a maraakib, yi xaylo edde tan maraakibi. Israayil doore Dageltay *kudduusuk yanih migaaqih nabnah baahen dahab kee lakqo a maraakibih addat tan. Tah akah abaanam, yoo ku Dagelti nabna kot heemih sabbata. Macaay intek, allî-baaxoh mari yoo qambaalita» 'yaanam YALLI Yarusalaamak iyyah yan.

Ermiyaas 17:26

Yuudâ-magaalooli kee Yarusalaam xaqul tan gaandoodi kee, Benyam rasu kee ayrô-culmat raqta mango koomaami le baaxo kee, qaleelâ xaqu kee gabbi-qaxat raqta Yuudah baaxok, ummat Yarusalaam fanah amaatelon. Cado akak carrisan lac kee akak carrise waan lac, sadgatah yi Qibaadah-Qarih baahelon. Tonnah kaadu, daro kee qaydarus sadgatah baahelon. Fayla yoh elle gacsan sadgat kaadu baahelon.

Ermiyaas 3:16

Tokkel waqlak wadir mangah amagguk elle tamaggeenimil, ummatta yi qahdih sandugut mayabta. Tohuk wadir tet kassitak maraaqaanaay, maqal edde luk maraaqan. Keenih xiqtam mali; wohoysa qagisak tet innah tan sandug mabicsan.

Ermiyaas 31:27

YALLI iyyeemih, «Yuuda kee Israayil baaxol ummat kee lac edde aymaggu waa ayroora amaatele.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 33:22

Dawuduy yi naqasuh yenehiyyah durruyyat aymaggeyyo. Leewî-kedok rade mara kaadu tonnah assakaxxeyyo. Mangah qaraanal tan cutuuka kee baddi afal tan qiddey loowo num akak duude waah innah, loowo num akak duude waa mara ken abeyyo» 'yaanam iyye.

Yacedkel 36:37

YALLAY Mulki lehiyya iyyeemih, «Israayil mari ahak sarra cato yol essereleeh, too waqdi illi innah ken aymaggeyyo.

Yacedkel 37:10

Too waqdi caacayak, too YALLI yok inxic akah iyye'nnah, exce. Anu toh exce waqdi, too lafoofiy naharak xagar tekkehiyyat ufuy culeeh, too waqdi rooci keenil gaceeh, solla 'yen. Too mari sittat, dudda le macaxih gide yekke.

Yacedkel 37:26

Anu qahdi ken lih haysiteyyooh, too qahdi amaanah ken xiiniseyyoomuh digga keenih akkele. Ken xiseyyooh, ixxima keenik aymaggeyyooh; inni Qibaadah-Qariy tokkek way kate waahiyya too baaxol heeyyo.

Zakariyya 10:8

Inni ummatah seeceyyooh, tittal ken gacseyyo. Umaanek ken cateyyo. Mangah duma akkuk sugeenih gideh ken abeyyo.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Zakariyya 2:4

Kaak iyyeemih, «Sissikuk gexay, ama baaxo edde yamittiren akat gabat le duubalik intaamah, ‹Yarusalaamal mango ummat kee mango lac sugeleemih sabbatah, inkih tan Yarusalaamat gaso haanam mabicta.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.