Ermiyaas 30:17 - NABUWWA KEE MALIKWA

¹⁷ Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Ermiyaas 30:17 ပူးပေါင်းရင်းမြစ်များ

Yasaqya 11:12

Yalli, asta-yakku-waa-qalam baadal-tan-ummattah heeleeh; Israayil kee Yuudâ-maray fixixeh sugehiyya baadak affara kaalibik gaaboysele.

Yasaqya 30:26

Alsa ifuh ayroh innah gaceleeh, ayro kaadu ifuh malcina adda dumak lafitta axcele. Malcina ayroh ifuy yesgelleenihiyyah bis aallele. Aham takku waytam, YALLI isi mara abeh yan biyaakak edde qaffoysu waa saaku.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 54:6

Qunxih digibte barray baqli cabeeh bagi akak ankayeh bis luk sugte'mmay, YALLI koh seeceh isil koo gacse. Ku Dagelti kok iyyaamah:

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Yasaqya 58:8

Toh abteenik, qusba-mano, saaku tawqe ayroytah innah, siinil ifele; liton dalek xayih uretton. Liton qadaalat sin dacriseleeh, anu liyoh an nabnat kulliimik sin dacrisele.

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Ermiyaas 10:20

Siraq nek abuuruh raaqe; sirooqa edde soolisne akoota tiggiriqeh; xaylo nek baaxo cabteh. Ahak sarra siraq neh soolisa mari baaxol maraaqinna. Siraq golit sara neh takra mari maraaqinna» iyyen.

Ermiyaas 17:14

Too waqdi YALLAK excemii, «Anu candu akah gacsam dibuk kook, YALLAW, yoo wad. Atu yoo waddek, waddiimeyyo. Yoo urus; atu yoo urussek, ureyyok.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 30:13

Siinih yaaba mara mageytan; ama liton daleh dayla mageytan; biyaakak murtan.

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Yacedkel 35:12

Isin kaadu ken burutak, ‹Israayil qaleela niimiiy; abuuruh raqteeh, ni gabal gacte› axcuk, yabteenim siinik oobbem aaxigetton.

Yacedkel 36:20

Elle gexinnaan baaxol yi migaaqay taahirik yanihiyya baysen. Toh mannalaay intek, ‹Ama mari YALLIH marak tene'mmay, a saaku kay baaxo cabeenih gexaanah yanin› 'yaanam iyyaanaah; yi migaq keenil xagan.

Hosiqa 11:3

Takkay immay Israayil ummat ibi gexo barissem yook ten. Yi mara kinnoonumih sabbatah baaxok gabal ken soolise. Tohuh ken dacrissam yoo kinnim yoh maaxaginnon.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.