Ermiyaas 30:13 - NABUWWA KEE MALIKWA

¹³ Siinih yaaba mara mageytan; ama liton daleh dayla mageytan; biyaakak murtan.

Ermiyaas 30:13 ပူးပေါင်းရင်းမြစ်များ

Yasaqya 1:6

Ibak lifiqiiy amok xagortah amma 'yaanam xagar inkih siinik biyak le. Inkih yan xagaral siinik wara kee daleeli yan. Ahaydumah liton dale af kaawut leeh, nadiifik tan baasima akah magenniton; dayla akah magenniton.

Yasaqya 59:16

Tohuk ken cata num ane waam yuble waqdi, kaal faxe-waynaan tekke. Tonna leemiik isi-qadaalatay maqar let, YALLI isi gabat ken wade.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 17:14

Too waqdi YALLAK excemii, «Anu candu akah gacsam dibuk kook, YALLAW, yoo wad. Atu yoo waddek, waddiimeyyo. Yoo urus; atu yoo urussek, ureyyok.

Ermiyaas 30:17

Wadir edde sugten maqaaneh sin gacseyyo. Naqboytiitih siinik yan mari, ‹Oson dumaak baaxot qiden mara ikkal, sahda keenit waytam mali› siinik iyyaana'mmay, anu abten mudumuk sin urseyyo. Liton dale siinik qaffoyseyyo. Tahat yabtam yoo YALLA» 'yaanam iyye.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Ermiyaas 46:11

«Boolaateh yan Masri maraw, Gilqad fanah gexay dayla goransita. Mango dayla gabbattaanamah tu siinih maxiqta.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Yacedkel 30:21

«Bani-adantow, Masri malikik gaba iggileeh; too gabak ahak wadir qaffotta 'yeh seef edde yabbaxu maduuda. Macaay intek, anu kaak iggile gabal baasima kaah haah, kaah daylisa num mageya.

Hosiqa 14:4

YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Naacum 3:19

Kot yekke mudum, dayla le mudum hinna. Akak urta mudum hinna. Atu abak sugte umaane kee racmatta sinnak yisillime mari maay yan? Mayana. Tonna leemik, ku baati yaabbu waa mari farcatah gaba aagurele.