Ermiyaas 30:12 - NABUWWA KEE MALIKWA

¹² YALLI kaadu iyyeemih, «Abten mudum akak urtan mudum hinna. Sin dale urta dale hinna.

Ermiyaas 30:12 ပူးပေါင်းရင်းမြစ်များ

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Ermiyaas 14:17

Kaadu qagseh iyyemii, «Keenik intaamah, ‹Yi maraw, isin uma mudumuh muddumtoonu waytaanaah, kaxxam biyaakittoonu waytaanam ableeh; tohuk gexxaamah, bar kee loqoh intik ximo yok caxittaah, kulli way siinih abah an weeqat an› keenik inxic.

Ermiyaas 14:19

Ummatta Yallak inteemih, «YALLAW, Yuudâ-mara inkitanuuk cinah cintee? Siyon-mara tinqibeh edde cabtee? Akak ure wayna biyaakah nee akah biyaktam macaay? Amaan geennom nekkele'mmay, woo amaan mageytiminna. Biyaakak urennom nekkele'mmay, inkinnah akak cunxinna umaane nee tibbixe.

Ermiyaas 15:18

Hay ta gideh biyak yot akah yakkem macaa? Liyoh an dale yok akah ure waytam macaay? Cagay kafa buyyih innah, foyyal yoo cabtam maay faxxaa?» 'yaanam exce.

Ermiyaas 30:15

Siinit yekke mudumut ahaysa mayaabina; sahdayti sin akak daylisu maduuda. A biyaakah sin akah biyaakem, dambi siinik manguk sugeeh kaxxa dambih addat sugteeniih; sin akah biyaakem tohu.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Yacedkel 37:11

Too waqdi Yalli yok iyyeemih, «Bani-adantow, tama lafoofi Israayil marah ceelallo. Israayil mari, ‹Nanu lafoofih innah kafneh karacca inneh nani'kkal, tahaysa xiqnam linoh manan› 'yaanam iyyan.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.

Naacum 3:19

Kot yekke mudum, dayla le mudum hinna. Akak urta mudum hinna. Atu abak sugte umaane kee racmatta sinnak yisillime mari maay yan? Mayana. Tonna leemik, ku baati yaabbu waa mari farcatah gaba aagurele.