Ermiyaas 30:11 - NABUWWA KEE MALIKWA

¹¹ Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 30:11 ပူးပေါင်းရင်းမြစ်များ

2 Samuwel 24:12

«Gexay Dawuduk intaamahaa, ‹Sidoocaamak taysem dooritaay, atu doorittem abeyyo› kaak inxic» iyyeeh; a sidoocam a nabih warissa heeh kaa ruube.

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 8:10

Abtoonu waytaanamal malisa'mmay siinil mabicta. Faxxeenih gide yaabita'mmay toh inkih tu maxiqta. Macaay inteenik, Yalli ne'lih yan.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 10:24

Tonna'mmay YALLAW, isi mara umaanek gacis. Abba hannaanimil nee makataatin. Bagcarritta waqdi digaalak nee cat. Abba hannaanimil nee katatteeh, bagcarritta waqdi nee digaaltek, wonnal baatik sa qamballam mannu.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 5:10

«Qinab cooxuy xaylo xalahiyya keenik bayisu waa maray keenik naqboytiitih yanihiyya keenit ruubeyyo. Takkay immay too coox inkitanuuk bayi keenik maha. Tonna'mmay qinab cooxuk ludwa yim akke sinniimih sabbatah, yargaqoonay axceyyo.

Ermiyaas 5:18

YALLI iyyaamah, «Too ayroora kinni way, inni ummatta inkitanuuk mabayisa.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 6:8

«Seefik dago mari cattiimeleeh; too mari ummat kee mango baaxooxa fanat fixixele.

Hosiqa 11:9

Siinih abah an naqabut sin mabaysa. Israayil ummatey, ahaysa sin mabaysa. Anu Yalla kinniyo ikkal, sahdaytu hinniyo. Taahirik yan Dagelta kinniyooh sin lih an. Ahaysa siinit mabagcarrita.