Ermiyaas 3:7 - NABUWWA KEE MALIKWA

^7-8 Too uma-taamak lakal, yol aduureloonum akkaluk suge'mmay, yol maaduurinnon. Yuudâ-mari, anu Israayil mara xiiriyeeh; innik ken eyxeerem yubleenih. Ken akah eyxeerem, ken uma-taama kinnim yubleenih. Takkay immay keenik maysinnoonuuy, keenik kaxxih, uma-taama-leela yekken.

Ermiyaas 3:7 ပူးပေါင်းရင်းမြစ်များ

2 Aydaad 17:4

Kay abba aqbuduk suge Dageltah qibaada abeeh, Yallih amri iyyam abak yen. Israayil malikwa Yallih gitak tewqeh sugte'mmay, usuk ken innah mawqinna.

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Ermiyaas 33:24

‹Ermiyaasow, Israayil kee Yuudâ marak sinam intam maay toobbe? A namma maray anu innih doorehiyyak, ‹Yalli Israayil kee Yuudah ummatay duma dooreh sugehiyya a saaku cineh› 'yaanam iyyan. Wohut mayaadiyaanay, woh iyya mari isih ken burutaah, doolat caddot ken mayablan.

Ermiyaas 5:11

Israayil kee Yuudah ummatta imaan yol mali. Tahat yabtam yoo YALLA» siinik iyye.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 16:47

Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Qaamus 4:8

Tohuk gexxaamah, mango magaaloolih mari kaxxa bakar ken yibbixe waqdi, lee elle geeloonum yekkelen magaala gexeeni'mmay, lee elle magennon. Toh inkih abalih yol maaduurinniton.

Malaaki 2:11

Yuudâ mari Yalla lih luk sugen xagana makeeniih; Yarusalaam kee inkih yan rasul ibak-gibdi umaane aben. Ken labha allî-baaxoh agabuy xeet kee cooxuk bicsen duyye yaqbudehiyyat rihimak, YALLI kicna isi Qibaadah-Qari nadaasa aben.