Ermiyaas 3:6 - NABUWWA KEE MALIKWA

⁶ Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 3:6 ပူးပေါင်းရင်းမြစ်များ

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

2 Aydaad 34:1

Yoosiyaahu naharak Yuudâ malik yekke saaku bacra karmat yen. Soddom kee inki sanat Yarusalaamal malikih suge.

Yasaqya 57:3

Yalli gersi marak iyyaamah: «Siinih tu gactek, amay siinik axcem oobbeya. Isin sicreynitte bis liton. Dalwa aba mara kee xiiqareh-xiinak mataysan.

Yasaqya 57:7

Sadgat abtaana'gidiiy dalwa elle abtaana'gidih, kaxxa qaleela tawqen.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 17:2

Sin mari silal le cooxih xaqul kee, koomaamih amo kee dululuh tan baaxol yan qaleelah amol, say-yalla akak iyyan Aseerâ migaaqal soolisen gurumuuda kee tet qibaadah xisen arooca yaqbuden. Edderra hayteenim kee maaluk elli haytaanam, a baaxoy siinih aceehiyyal abten dambih sabbatah, sin naqboytiitih gabat sin aysacawweyyo.

Ermiyaas 31:22

Imaan-maleelay, ahaysa namma kalbi caba. Dumah akke waytem bicsam faxa. Toh macaay inteenik, barra labhaytu dacrissu wayta wakti baaheyyo» 'yaanam iyye.

Ermiyaas 5:11

Israayil kee Yuudah ummatta imaan yol mali. Tahat yabtam yoo YALLA» siinik iyye.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Yacedkel 16:31

Giti elle aninnaanih xaqul, xeet kee cooxuk bicsen duyye elle yaqbuden arooca hayteeh; tokkel dalwa abte. Takkay immay abta dalwal, timixxige xiiqareh-xiina akah abta'nnah, lakqo elle mabennito.

Yacedkel 16:35

«Tonna'mmay Yarusalaam kacbay, YALLI kok iyyam oobbey.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 23:11

«Tet maqanxá Oholiba kaadu ah tuble'mmay, dalwa kee uma-taamah isi maqanxak lafittam bahte.

Yacedkel 23:4

Keenik barah naba maqanxá migaaqah Ohola deqsitak ten. Ohola, Samaariya deqsitta magaala kinni. Qunxa maqanxá Oholiba deqsitak teneeh, is kaadu Yarusalaam magaala kinni. Anu ken nammayal rihimeeh, xaylo yoh xalen.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 4:13

Qaleelah amol tan aroocal sadgat aban. Koomaamih amol silal meqeeh ayyuufa le caxah gubal qaydarus qeerisan. Too qaydarus woo cooxih gubal akah qeerisaanam, woo cooxih silal keenit yemqek sa. Tonna kinnuk siinik say-xaylo kacob tekke. Sin xayloh agbi dalwa aba.

Makaabon 2:17

Takkay immay too makaabonuy Yalli keenih heehiyyah yab cinak sugen. Ken kaxxa abbobti YALLAL luk ten imaan cabeeniih; Yallih aftok duyyeeyâ-qibaada faxeeniih, too duyyeeyah qibaadah gommoh raden. Ken kaxxa abbobti YALLI iyyem abak yeneeni'mmay, ta ado Yallih yab cinteh.