Ermiyaas 3:25 - NABUWWA KEE MALIKWA

²⁵ Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 3:25 ပူးပေါင်းရင်းမြစ်များ

Yasaqya 48:8

«Yaaminen mara hinnitoonum aaxigeh. Qunxaaneey akke qamalleela kinnitoonum aaxigeh. Aham akah aabbe wayteeniih xaagu akah gee wayteenim tohu» 'yaanam iyye.

Yasaqya 50:11

Takkay immay gira isih urusa maray isi ifoytal gexahiyyaw, isinnih ifsen gititte gexa! Takkay immay, ellecabo siinik finqa. Aham siinik abtu waytam yoo YALLA.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 12:13

Buqreh kamadi qideloonu'mmay, daro orbah gacca 'ta saaku kamadih aftok keenan orbiselon. Yi kaxxa bagcarrak gexxaamah buqret kaxxam cawale loonu'mmay, akak orbisoonu waanam malon» iyye.

Ermiyaas 14:20

YALLAW, dambi lem elle bahnem koo kinnim naaxigeh. Nee kee nek duma ni kaxxa abbobti edde asse dambi naaxigeh.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:2

« ‹Away kol ruuba farmo Yarusalaam-magaala gexxa 'xicay ummat elle tani'kkel keenih waris› yok iyye. Sarrak too farmo yoh warseeh yok iyyemii, ‹Bar qunxuk tenen saaku, imaanak yol luk teneenih gide siinik aaxigeeh, qibna baqalah kacanuh tassalle inna, yoh assalluk tenen. Bacarih tan baaxoy tu elle aabuke waytahiyyal foocat siinik gacca exceh sin elle beyaamal yoo macininnitoonuy yoo katayak sugten.

Ermiyaas 2:26

«Anu siinik axceemih: Garqi, garqot kaa yabbixen waqdi, qaybit elle rada'nnal, Israayil maraw, isin kaadu takkeenimik qaybit radetton. Sin kee sin malikiiy sin doolatak kaxxa mara kee sin seekaay sin nabuwwa inkih qaybit radele.

Ermiyaas 20:18

Akah oobokem kinni sabab maaxiga. A gibdaabina kee a umaane able'gidih maay oobokee? Ta qaybi able'gidih maay kinnii?» 'yaanam exce.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 31:19

‹Darre kot cabneh sugne'mmay, away kol nuduure. Nee digaaltek wadir, abne umaanek gexxaamah nadaamah amo qunuunut nabbixeeh, wacarriyih rabneh nan. A saaku wacarriy nel takkem, qunxuk sugne saaku abne dambi› 'yaanam axcih ken aabbe» iyye.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Ermiyaas 9:18

Ummat toh toobbe waqdi intemii: «Labhay isissikay! Neh weequ waa agabuh neh seeca. Neh boogisoonay inxica. Inti nek ximok tamaggeeh nanu kaadu dambar ximot nek aruqam fanah weqnaama» 'yaanam iyyen.

Yacedkel 2:3

«Bani-adantow, Israayil mari yab yok cineeh; naqboytit yok yekkeenih yanin. Oson akak raden ken kaxxa abbobtik kaxxih, yi yab moggolaanaay; away ken fanah koo ruubah an.

Yacedkel 36:32

Tonna'mmay Israayil ummatey, aaxigeh meqeemih, tahak wadir abba haam inkih akah abam, sin taaga hinna'mmay, inni migaaqih taaga kinni. Abteenimik gexxaamah qaybi kee wacarriy sin yabbixay! Tahat yabtam yoo YALLAY Mulki lehiyya» iyye.

Yacedkel 44:13

Tahak wadir seekâ migaaqal yi taamat maraaqan. Yi qibaada elle aboonuh, rikeek baxsah taniimik garih amaate waanama. Hinnay kaadu woo Kulliimik-Taahiriinoh-Yayse-Golil xayyoowe waanama. Oson aben umaaneh keenih taguudem, tama digaala.

Yacedkel 7:18

Sartanah *qabuudut gaceloonuuh; inkih yan xagar meysih keenik axaxitele. Amo keenik mooleloonuuh; yakkeenimik inkih qawratak radelon.

Daaniyel 12:2

Mango maray rabeh yomoogoqeh sugehiyya ugteleeh wadir gacele. Garab keenik ambaxe sinni waarah waarele. Aki garabaay amurruqe sinni qaybi kee ilaq-gadda akkele.

Hosiqa 9:10

Yalli iyyeemih, «Israayil ummat naharak gee saaku, bacaril tooboke qinab caxah bis luk yenen. Sin kaxxa abbobtiy isin akak raddeenihiyya, coox elle yaabuke waktil naharat xalte *sublaytoh bis luk yenen. Takkay immay Faqor deqsitta qale yemeeten saaku, Baqal akak iyyan duyye Yallah haysiten. Ableh uma qibaadat gacca 'yeenih, uma ceelot aseenimih sabbatah, uma mara yekken.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.

Makaabon 2:2

isin kaadu a baaxol yan mara lih hebeltô-bica mahaysitina. Oson sadgat elle aban mansafitte bututtukka haa› 'yaanam siinik exceh en. Takkay immay anu siinik excem maabinnitoonuuy; maabina siinik excem abten. Hay, ceele-waytam abten!