Ermiyaas 3:17 - NABUWWA KEE MALIKWA

¹⁷ Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Ermiyaas 3:17 ပူးပေါင်းရင်းမြစ်များ

1 Malikwa 8:41

«Israayilih aabuke waamah faxe numuuy takkay, ku nabna kee ku qande kee cayla yaabbu waa waqdi kee, ku abini le innak xaagu geyu waa waqdi, a Qibaadah-Qaril dooqa aba'gidih xer baaxok yemeete kaa tekkek,

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 56:6

YALLI, allî-baaxoh-maray kaa akcinuk kaa aynabuk kay taamat gacaana'gidih kaa yaqbudeenim dooritehiyyak, iyyaamah: «Sabti ayro assakaxxuk yi qahdil digga inteenik,

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Yasaqya 66:1

YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Yasaqya 66:20

Baadal tan ummatak sin tooboko inkih, mattacoh yoh baahelon. Gaariiy faarisiiy bakil kee gaalal hayya ken heenih, Yarusalaamal tan yi qaley taahirik tani ken baahelon. Israayil mari taahirik-yan-kafaqat sadgatah daro yi Qibaadah-Qari elle baahan innal, ken baahelon.

Ermiyaas 11:8

Takkay immay yi yab cineeniih baaqid edde mahaysitinnon. Kulli num keenik ken afqado keenil tecee uma taamat asen. Titta lih haysinne qahdih giddinaamak, ‹Siinik excem duudusa›, keenik exceh ene'mmay, woh cineenih. Tohuk gexxaamah a qahdi duuduse wayteenik, abeyyo-exce-digaala keenil abe» yok iyye.

Ermiyaas 12:15

Woo baaxok ken kalek lakal, keenih xuwaaweyyo. Kulli baaxoh mara keenik le rasuh gacseyyo.

Ermiyaas 12:16

Oson yi mari elle yaamine diinil baguuk yeemeneeniih, duma yi marak Baqal deqsitta duyyey yaqbudeenihiyyah migaaqal xiibita axcuk barisak akah sugen innah, a saaku toh cabba heenih, tohih aftok yi migaaqal xiibiteenik, yi mara ken abeyyooh; barkat keenit heeyyo.

Ermiyaas 14:21

Isi nabnah sabbatah, darre net macabin. Yarusalaam magaalay ku dardaarinnih korsiy nabna lehiyya addal akak tani qaybik maqidin. Ne'lih abte qahdi duudus.

Ermiyaas 16:12

Siinih tu gactek, uma-taamah isinni kaxxa abbobtik lafittaanaah, yi yab yaabbe num siinit mayanaay, yabti-cina kee uma-taamah-abittoh num numuk siinik mayaysaay inki bis liton.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 17:12

Ni Qibaadah-Qari, dardaarinni korsiy nabna leeh dumal elle fayya 'ta qaleh amol sugtehiyyah bis le.

Ermiyaas 18:12

Takkay immay, ‹Aleeyyah edde nan gitak akah naduurem mannu. Yabti-cina kee uma-taamak ninnih fanxeh gide abenno› 'yaanam kok axcelon, yok iyye» iyye.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 31:23

Kaadu YALLAY Nabaamak Nabah, Israayil doore Dagelta kinnihiyya yok iyyeemih: «A mara seewah elle abbaxuk sugen baaxok gacisu waa saaku, Yuudâ-rasu kee Yuudâ-magaaloolil yan mari ah ablele. Too waqdi, ‹Siyon-qaley taahirik tanit YALLI barkat haay. Cakkik-tan-maqaane le Dagelta elle yan aracat YALLI barkat haay› 'yaanam dooqah axcelon.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Yacedkel 1:26

Qari-amo-celtaamak daga, safir deqsita luuluk bicsen korsiy malik elle daffeya celtahiyya uble. Too korsih amol sahdâ-ceelo lem daffeyah uble.

Yacedkel 43:7

Yok iyyeemih, «Bani-adantow, amah yok dardaarinni korsih araca. Anu ta'kkel Israayil mara lih aneyyo. Abbootanah innih ken amol gaceyyo. Israayil mara kee ken malikwa ahak wadir xeet kee cooxuk bicsen duyyeh qibaadat yi migaq mabaysan. Ken malikwah raysitte fayya le aroocay xeet kee coox elle yaqbudeenihiyyal aagaquk migaq yok mabaysan.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.