Ermiyaas 3:13 - NABUWWA KEE MALIKWA

¹³ Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 3:13 ပူးပေါင်းရင်းမြစ်များ

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Ermiyaas 14:10

YALLI tohuk a maral gacseemih: «Yok kudaanaah umaaneh abittok isinni nabsiyya maraaqisan. Tonna leemiik ken inqibeeh, aben umaane keenit macabay, ken akah digaaleyyo» 'yaanam iyye.

Ermiyaas 14:20

YALLAW, dambi lem elle bahnem koo kinnim naaxigeh. Nee kee nek duma ni kaxxa abbobti edde asse dambi naaxigeh.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 2:25

‹Israayil ummatey, Yalla akke sinni duyye taqbudeeni'gidih ib-qassih magexina. Katla isinnik foyyah makafsina› 'yaanam siinik exce'mmay isin, ‹Aleeyyah, ahaysa manaduura. Marin mari yaqbudem naqbudem kicinnoh, akak maraqna› 'yaanam inten.

Ermiyaas 3:2

Qaleelah amo wagga haytan waqdi ta qaleelah amok isin xiiqareh-xiinah innah uma-taama elle abe waytan arac maay yan? Mayan. Qarabtoyti bacarih tan baaxol duyye bukkusa'gidih, safarat yan marih mamaata elle assexeeruk suga innal, isin kaadu dalwah abittoh assexeeruk sugtan. Uma-taamat baaxo nadaasa abten.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 7:26

Takkay immay tohuh, yi yab yaabbeeh anu axcem ankacisa num siinit mayan. Mako litoonuh, yab oggola mara hinniton; sin kaxxa abbobti edde sugte dambik lafitta 'ya dambit assan», siinik iyya.

Yacedkel 16:15

«Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Hosiqa 5:15

Yi mari dambik abeenimil yoo qaddoowe'kal, keenil maaduura. Gadaamah addat yanin waqdi, yoo kassiteloonuuh yoo gorriselon» iyye.