Ermiyaas 28:4 - NABUWWA KEE MALIKWA

⁴ Malik Yahoyaakím-Yahoyaasin kee kaak kalah yan Yuudah maray Baabelon rasu fan seewah orbiseenihiyya kaadu akke gacseyyo. Ahaysa Baabelon-malik sinam fillal abbaxuk suge *madmad aggiggileyyo. Tahat yabtam yoo YALLA› 'yaanam iyye» iyye.

Ermiyaas 28:4 ပူးပေါင်းရင်းမြစ်များ

2 Malikwa 24:14

Yarusalaamal suggu 'ye marak abbobtih suge mara kee, qaskar-abbobti tittat seewah tabna alfih num bee. Gabâ-naggarinna luk yen mara kee, wohuk kalah tan gabâ-taamah ixxiga luk yen mara inkih seewah bee. Raqtem dibuk masaakiinah yan mara.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Ermiyaas 13:19

Yuudâ-magaalooliy gabbi-qaxat raqtahiyya marot heen. Tokke fanah edde yamaaten gita mageyan. Yuudâ-mara yakkeenimiik seewah beenih› yok iyye» iyye.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 22:10

Yuudâ-maraw, Malik-Yoosiyaahuh maweeqina. Kay rabah markitinaay marookitina. Takkay immay kay baxa Yowaacadah kaxxam weeqa. Akak aduure waa beytoh kaa been. Ahak wadir elle yooboke baaxo wadirik mayaduura.

Ermiyaas 22:24

YALLI, malik Yahoyaakím-Yahoyaasinik iyyeemih, «Anu waara Dagelta kinniyom teexegek, migdi gabah ferrantoh yok sugta way feerak siibba koo heeh,

Ermiyaas 24:1

Ermiyaas iyyeemih, «Baabelon malikiy migaaqah Nabkadnessar deqsitahiyya, Malik Yahoyaakím-Yahoyaasin kee kay gubal ten xintoh abbobti kee, naggaaritte kee taamah ixxiga luk yen mara gaabossa heeh, Yarusalaam magaalak Baabelon rasu fanah seewah beyya heek lakal, YALLI wacyih namma kafaqay YALLIH Qibaadah-Qarik foocal daffessa heeniy addat *sublâ-xaylo akak tani yoo yuybullee.

Ermiyaas 24:5

‹Hay tonnal, yoo YALLAY Israayil doore Dagelta kinnihiyya axcemii, Yuudâ-baaxok Baabelon rasu seewah ruube mari tama sublâ-xayloy naharak toobokehiyyah bis le. Meqe xintoh ken xiiniseyyo.

Ermiyaas 27:8

Takkay immay usuk ta abbootan gabat lem fanah, doolat takkuu, faxe mara takku, usuk fillal siinik haa *madmad (kambar) oggole waah kay amri cinu waa mari yenek, too mara usuk seefit ken selam fan carbi kee qulul kee dalkat ken digaaleyyo.

Ermiyaas 28:10

Tohuk lakal Cananiya, Ermiyaas fillal abbaxuk suge *madmad kaak kalla heeh bututtukku hee.

Ermiyaas 28:2

«YALLAY Nabaamak Nabah, Israayil doore Dagelta kinnihiyya iyyemii, ‹Baabelon malik sinam fillal yabbixe *madmad (kambar) kaak aggileyyo.

Ermiyaas 29:1

Sarrak Ermiyaas, seeka kee nabuwwaay ummatak saqoltih yan mara kee, raqqa 'ye maray Yarusalaamaak Baabelon-rasu fan seewah orbiseenihiyyah warkat yuktubeh ruube.

Ermiyaas 29:2

Ta warkat yuktubeh ruubem, malik Yahoyaasin kee kay inaay kay gubal taamitak suge doolatak saqoltih yan maraay, Yuudâ-rasu kee Yarusalaam magaalal saqoltih suge maraay, gabâ-naggarinna luk yen mara kee, wohuk kalah tan taamah ixxiga luk yen mara inkih seewah Baabelon rasu beenik sarrak ten.

Ermiyaas 30:8

YALLAY Nabaamak Nabahiyya iyyeemih, «Too ayro fillal keenik abbixe coox keenik kaleyyo. Axawah edde yanin silsilat keenik afdigeyyo. Too ayrok wadir marin marih naqoosa mayakkan.

Naacum 1:13

Ahaysa Assuuriyah mari siinil yabbixe xukkok sin ayyaaqeyyooh; edde tanin axawak sin kaleyyo» iyye.