Ermiyaas 28:11 - NABUWWA KEE MALIKWA

¹¹ Sarrak ummatak foocal iyyemii, «YALLI iyyeemih, ‹Malik Nabkadnessar mango ummatih fillal yabbixe madmad sinaamak elle kalu waam tama'nna. Ta namma sanatih addat, toh elle exce'nnal, abeyyo› 'yaanam iyye» iyye. Tohuk wadir Ermiyaas isi gexoh gexe.

Ermiyaas 28:11 ပူးပေါင်းရင်းမြစ်များ

1 Malikwa 13:18

Beetal rasul suge idaltuh yan nabi diraabah kaak iyyeemih, «Anu innih kok kaxxih nabi kinniyooh; YALLII, malaykattu yol ruubeeh; too malaykatti yok iyyeemih, ‹YALLI, Tama-nabi buxah beyaay qibnaytiino kaah ab, kok iyyah yan› 'yaanam yok iyyeeh; koo beyu waa» kaak iyye.

1 Malikwa 22:6

Sarrakaa, Acab affara bool takke nabuwwah seeco abeeh; too nabuwwa temeete waqdi ken essereh, iyyeemih, «Raamot magaala nabbixe'gidih gaadu'nna, raaqooh?» iyye. Oson too waqdi, «Gexay gaad; YALLI nasri koh aceelek» kaak iyyen.

2 Aydaad 18:10

Too nabuwwak numuk teeni Kanaqná-Xidkiya deqsita nabik ten. Too nabi, birtak bicse gaysoosi luk yen. Iyyeemihii, «YALLI, ‹A gaysoosit Suuriyah marat qeebi abettooh inkitanuuk ken baysetto› kok iyya» kaak iyye.

Ermiyaas 14:14

Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Ermiyaas 29:9

YALLI nek iyyeemi axcuk, anu keenik axce weem diraabah siinik iyyan. Anu ken maruubinniyo. Tahat yabtam yoo YALLA.

Yacedkel 13:7

Anu keenik axceemih: Ama ‹Nubleh› intan wacyi, dirab wacyi. ‹Sarrah woh akkeleeh ah akkele› akak intaanam kaadu, takku waytam hinna. ‹Ah neh warissem YALLA› intan. Diraaba siinik, anu siinih warsem hinna, siinik axceh an.