Ermiyaas 27:5 - NABUWWA KEE MALIKWA

⁵ Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Ermiyaas 27:5 ပူးပေါင်းရင်းမြစ်များ

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Nacmiya 9:22

«Mango baaxô-doolatwa qeebil ken tiysiise. Too baaxooxak kulli'kkel suge marih baaxol ken nookisse. Sicon abbah elle suge Cesbon deqsitta baaxo ken gabal hayte. Qoog abbah elle suge Basan deqsita rasu kaadu ken gabal hayte.

Yasaqya 42:5

YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Yasaqya 44:24

YALLAY qimbol sin gineeh sin wadehiyya kaadu iyyemii: «YALLI yooy; kullim tuklukem yoo. Mango qaran fidissem dibuk yoo. Baaxo gine saaku num yo'lih masuginna.

Yasaqya 45:12

Baaxo tuklukem yooy; baaxol gaca'gidih sahdaytu tuklukem yoo. Qaran inni gabat fidise; ayrooy alsa kee cutuuka yi milkih tan.

Yasaqya 48:13

Baad elle soola rakiibo inni gabah bicse. Qaran fidissem yoo; qaran kee baaxoh seeca waqdi, yoo yaabben.

Yasaqya 51:13

YALLAY sin gineeh qaran fidseeh baaxoh kaadu elle solta rakiibo bicse, hawwenteenii? Kulli waqdi siinit xukkutaah, sin baysam faxa marih bagcarritaamah macah meysittan? Ken bagcarra tu makalta.

Ermiyaas 27:4

Keenik intaamah, ‹YALLAY Nabaamak Nabah, Israayil doore Dagelta kinnihiyya sin malikwak iyyu waam keenih waris. YALLI keenik iyyaamah,

Ermiyaas 32:17

«Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Ermiyaas 51:15

YALLI addunya isi qandet gine. Isih leh yan ixxigat inkih yan baad yukluke. Qaran kaadu fidise Dagelta kinni.

Daaniyel 2:38

Baaxô-bagul tan ummattaay, alluwwe kee haadah abbootan inkih koh yecee. Woo soonol tuble dahabak bicsen amo, koo.

Daaniyel 4:14

« ‹Too malaykatti anay fayya haak iyyeemih: «Ama caxa irgiqay luudwa teetik kala. Ayyuufa teetik luuqusaay, tet caxah miru baaxot caxa. Tet gubal silaalitta alluwwa kee, tet luuditteh amot yan kimbir xiiriya.

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.