Ermiyaas 27:22 - NABUWWA KEE MALIKWA

²² «Ta duyye ellecabol Baabelon rasu fan dannabah beeloonuuh; anu sarra akah gacsan innah keenik abam fanah, tokkel elle sugele. Sarrak beenih sugen duyye inkih le aracah gacseyyo. Tahat yabtam yoo YALLA» 'yaanam iyye keenik exce.

Ermiyaas 27:22 ပူးပေါင်းရင်းမြစ်များ

2 Malikwa 25:13

Baabelon-mari YALLIH Qibaadah-Qaril addal ten qamidway nacaasak bicseenihiyya kee, wokkel ten gaariiray nacaasak bicseeni bututtukku heen. Tonnah kaadu, nacaasak bicsen kaxxa tanakay Qibaadâ-Qaril yenehiyya yiggiggileenih. Too nacaas inkih Baabelon fan been.

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Qedra 1:11

Sesbaxxar kee kaak kalih maray duma seewah beenih sugeenihiyya, Baabeloonuk Yarusalaam magaala fan gexen waqdi, dahab kee lakqok bicsen mingilwak tittat koona alfi kee affara bool takkem luk gexen.

Qedra 7:19

Yarusalaamal yan Yallih Qibaadah-Qarih taamah kol yaceenih sugen mingilwa kaadu too taamat culus.

Ermiyaas 20:5

Oson buxal luk suggu 'yeenimiy edderra heenik tu macabaanay, inkih keenik beelon. Buxal luk suggu 'yen duyyek tu macabaanay keenik buubelon. Yuudâ-malikwa buxah addal luk sugte duyye inkih, kaadu isinni baaxo fan keenik beelon.

Ermiyaas 27:21

Takkay immay YALLAY Nabaamak Nabah, Israayil doore Dagelta kinnihiyya, YALLIH Qibaadah-Qari kee malik buxal raqte duyyeh giddinaamak iyyem, ah teeti:

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ermiyaas 32:5

Sarra Baabelon fanah seewah koo beelon. Anu tuk teena kok abam fanah wokkel elle sugetto. Baabelon-marat qeebi abtaanam faxxaanamah siinil mabictaay, nasri kaadu mageytan. Tahat yabtam yoo YALLA› 'yaanam kok iyye» 'yaanam kaak iyyeemih sabbatah, kaa yoxeeh yen.

Ermiyaas 34:2

YALLAY Israayil doore Dagelta kinnihiyya kok iyyeemih, «Gexay Yuudâ malikih yan Xidkiyak intaamah, YALLI, ‹A magaala Baabelon-malikih gabal heeyyo. Too malik Yarusalaamat gira ruubele.

Ermiyaas 34:3

Atu kaadu kay gabak mataftucaay matasillima. Tintixibbixek lakal, fooca kee foocah kaat angoorowettooh, isi afaak kaa'lih yaabetto. Tohuk lakal seewah Baabelon rasu fan koo beelon› kok iyyah yan, kaak inxic.

Ermiyaas 34:5

Duma ku kaxxa abbobtiy kok dumal malikwah sugtehiyyah rabal qaydarus akah ruubak sugen innah, ku rabal kaadu qaydarus ruubelon. Rabta saaku koh rookiteloonuuh, Woyyow ni malik rabeh, koh axcelon. Tahat yabtam yoo YALLA› 'yaanam kok iyye, kaak inxic» iyye.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.