Ermiyaas 27:19 - NABUWWA KEE MALIKWA

^19-20 YALLI toh akak iyyem maa duyyeey inteenik, toh akak iyyem, Baabelon-malik Yahoyaakím-Yahoyaasin deqsita Yuudâ-malik kee Yarusalaam magaala kee Yuudâ-rasul suge makaabon xabba heeh seewah Baabelon fan bee saaku, YALLIH Qibaadah-Qaril sugte duyyek qamidwa kee nacaasak bicsen kaxxa tanak kee gaariira kee, kalah kaadu, Yarusalaamal tan duyyek tu akak cabeh gexek ten. Too duyyey raqtehiyya siinik bee waana'gidih YALLA kallacoonay.

Ermiyaas 27:19 ပူးပေါင်းရင်းမြစ်များ

1 Malikwa 7:23

Curam kaadu nacaasak sacni gurral yan kaxxa tanak bicse. Too tanakak adda koona cusul akkuk ten. A kabu kee woo kabuk fidnah tabna cusul akkuk ten. Soddom cusul kaadu inkih yan tattab kaak akkuk yen.

1 Malikwa 7:27

Tohuk kalah kaadu, tabna gaari nacaasak bicse. Woo tabna gaarik kulli gaari, xexxaarah affara cusul akkuk teneeh, baguh kaadu affara cusul akkuk teneeh, sidooca cusul kaadu fayyah luk ten.

2 Malikwa 25:13

Baabelon-mari YALLIH Qibaadah-Qaril addal ten qamidway nacaasak bicseenihiyya kee, wokkel ten gaariiray nacaasak bicseeni bututtukku heen. Tonnah kaadu, nacaasak bicsen kaxxa tanakay Qibaadâ-Qaril yenehiyya yiggiggileenih. Too nacaas inkih Baabelon fan been.

2 Malikwa 25:17

Been namma qamiddi titta ceelak yen. Kulli tii fayyah taban kee bacra cusul akkuk yeneeh, amot akak heen namma mansaf sidiica cusul fayyah akkuk yen. Kulli qamidduk amot bilqah heenim, nacaasak bicsen tittat-yoxeen-silsilatih-taswiir kee rummaan-taswiir maroh heenih yenen.

2 Aydaad 36:18

A malik Qibaadâ-Qarih addal sugte duyye kee, a qarik makaadanal sugte duyye kee, malik Xidkiyah buxal sugte edderra heemik tu macabinnay dannabah Baabelon fan orbise. Kay gubal sugte doolat abbobtih buxaaxi kaadu buubeeh, tonnah kaadu dannabah bee.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.