Ermiyaas 27:18 - NABUWWA KEE MALIKWA

¹⁸ A mari nummah nabuwwa yekkeeh siinih warsaanam yi farmo tekkek, tonnal Yarusalaamal YALLIH Qibaadah Qarih adda kee malik buxah addal tan duyyey raqtehiyya Baabelon mari dannabah bee waa'gidih yoo kallacoonay› siinik iyye» keenik exce.

Ermiyaas 27:18 ပူးပေါင်းရင်းမြစ်များ

1 Malikwa 18:24

Too waqdi Baqal-nabuwwa isinni yalla kallacoonay, anu kaadu YALLA kallaceyyo. Too dooqa abna waqdi, gira ruubinnaan Yalli nummah Yalla kinnim aaxigenno» iyye. Ummatta, «Taham meqeemik, takkay» iyyen.

1 Malikwa 18:26

Oson too awur beeniih usgudday niyyassa heenih, maacak xabba haanamaay dohri tikka 'yam fan dooqa abak sugen. Anay fayya haak, «Baqalow, innam nek oobbey, innam nek oobbey» iyyeeniih; toh lih kaadu, woo kaah sadgat elle abaana'gidih xisen aracat meekitak, way kaqitakaay way kaadu argaduk aseeni'mmay, keenil gacsem matan.

2 Aydaad 32:20

Too waqdi Malik Ciskiyyaahu kee Amox baxa nabi Yasaqya Yalla kallaceeniih kaal weeqeeniih cato kaa esseren.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 18:20

Maqaane abe numul umaane gacsaanaa? Keenih abe maqaanel, galtoh edde rada boodo yoh dagan. YALLAW, ku bagcarra ken biyaktaamak, ken taagah ku foocal abe kallaci yok taaxigeh.

Ermiyaas 42:2

nabi Ermiyaasal yemeeteeniih, kaak iyyeenimih, «Ku maganak rabe marak saaboh raaqe mara kinninooh; YALLAY ni Dageltah yani neh kallacta'gidih nemeetek; nek oggolaay macinin. Duma manguk sugne'mmay a saaku dago mari nek raaqeh yanik, raaqe marah dooqa neh ab.

Ermiyaas 7:16

YALLI yok iyyeemih, «Ermiyaasow! Ta marah dooqa yol maabin! Keenih yol maweeqin! Ken tiyah yoo makallacin; kok maabbak.

Yacedkel 14:14

Too saaku Nuuc kee Daaniyel kee Ayyuub sugta way, ken maqaane ken cate waytek, a marah tu xiqak mananna. Tahat yabtam yoo YALLAY Mulki lehiyya» iyye.

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Malaaki 1:9

Hay, taway seekay, tannah yan sadgat kaah ucuyak, «Yallaw, neh emeq» 'yaanamih dooqa abtan way, Yalli siinih mayamqa! YALLAY Nabaamak Nabahiyya isih, «Siinih mamqa» siinik iyya.

1 Samuwel 12:19

Sarrak Samuwelik, «Rabe wayna'gidih ku maganah ku Dagelta neh kallac. Duma abne dambik kalah kaadu, ‹Malik neh reedis› YALLAK inne waqdi, YALLIH garil dambi lem bahnem away ninnik neexege» iyyen.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 7:8

Too waqdi Samuwelik, «YALLAY ni Dageltah yani, Filistiin-marak nee cata'gidih neh xaqtam macabin» kaak iyyen.