Ermiyaas 26:21 - NABUWWA KEE MALIKWA

²¹ Malik Yahoyaakim kee kay gubal yan mari usuk iyyem yoobbeeh, tohuk gexxaamah too malik kaa qidam faxe. Uriyya malik kaa qidam faxam yoobbe waqdi meysiteeh, Masri fan kude.

Ermiyaas 26:21 ပူးပေါင်းရင်းမြစ်များ

1 Malikwa 18:10

«YALLAY waaraah ku Dageltah yanihiyyah migaaqal koo xiibitah; malik ku goranah baadal cabba hee ikke mali. ‹Yi baaxol mayana› axcinnaan abba xibsiisak suge.

2 Aydaad 16:10

Malik Aasa toh kaak iyye waqdi, nabam yinqibeh. Too waqdi, «Silsilatat kaa uxuya» iyyeeh kaa casbiseh. Too ayrok wadir sinaamak garabal umam baaha num yekke.

2 Aydaad 24:21

Malik Yooqas edde anuk, ta seekik aboonu waanamal malissa heeniih; tohuk wadir malik «Kaa qida» 'yaanamih amri yecee. Too mari YALLIH Qibaadah Qarih daaratal kaa qiden.

Ermiyaas 26:10

Yuudah-abbobti tekkem yoobben waqdi, malik buxah gasoy elle sugeenihiyyak YALLIH Qibaadah-Qari fan yemeeteeniih; tokkel Qusba-afa deqsita aracal daffeen.

Ermiyaas 36:26

Sarrak malik isi baxay Yeracmaqil deqsital amri yeceeh, kaak iyyeemih, «Qadriyél-Seraaya kee Qabdíl-Selemya is lih hayya haay, gexay Ermiyaas kee Baaruk baahay uxuya» kaak iyye. Takkay immay YALLI, Ermiyaas kee Baaruk keenik qelliseh.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.