Ermiyaas 26:20 - NABUWWA KEE MALIKWA

²⁰ Ermiyaasak kalah kaadu, Samaqyáh-Uriyya deqsita nabi yen. Too nabi elle yoobokem, Kiriyat-Yaqaarim deqsitta magaalak ten. Too nabi kaadu Ermiyaasak kaxxih, a magaala kee a marat takku waytaamay YALLI kaak warisa iyye warseh yen.

Ermiyaas 26:20 ပူးပေါင်းရင်းမြစ်များ

1 Malikwa 18:10

«YALLAY waaraah ku Dageltah yanihiyyah migaaqal koo xiibitah; malik ku goranah baadal cabba hee ikke mali. ‹Yi baaxol mayana› axcinnaan abba xibsiisak suge.

2 Malikwa 23:37

Yahoyaakim isi kaxxa abbobtik kaxxih, YALLAL dambi lem baahak suge.

Ermiyaas 2:30

Duma sin mara digaaleh immay too digaalat maaduurinnon. Umaanek sin gacsam faxeh immay taduuroonu cinteenih. Sin fan ruube nabuwwal, qansaritta lubooka tekkeeniih seefit sella ken hayten.

Ermiyaas 36:19

«Ah noobbek, away koo kee Ermiyaas gexxa 'xicay aracak teenat ombooqoraay, sinaamah mamballayina» kaak iyyen.

Yoosuwa 15:60

Kiryat-Baqalay a saaku Kiryat-Yaqaarim deqsitta kee Rabba deqsitta namma magaala kenim tekke. Toh lih kaadu woo namma magaalah dariifal sugga 'te gaandoodi inkih kenim tekke.

Yoosuwa 18:14

Tokkeek cuduud keenik gersi kaalib fanah yufkune. Tohumuu, ta qalek ayrô-culma le kabut raqta exxak gabbi-qaxa fan makka 'taah; tokkeek Kiryat-Baqal deqsitta magaalay a saaku Kiryat-Yaqaarim deqsittahiyya fan gexxa. Tohum Yuudâ-rasul geytimta magaala. Taham ayrô-culma le kabuk cuduud keenik edde yaadee ikkek ten.

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.

1 Samuwel 7:2

YALLIH Qahdi addat akak yan Sandug Kiryat-Yaqaarim addal mango wakti suge. Labaatanni sanatih gide wokkel suge. Ta sandug wokkel suggu 'yem fanah, Israayil mari weeqak, YALLAL gacaanam faxak sugen.