Ermiyaas 26:19 - NABUWWA KEE MALIKWA

¹⁹ Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 26:19 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Aydaad 32:20

Too waqdi Malik Ciskiyyaahu kee Amox baxa nabi Yasaqya Yalla kallaceeniih kaal weeqeeniih cato kaa esseren.

2 Aydaad 34:21

Keenik iyyeemih, «Gexay yoo kee Yuuda kee Israayil ummattal tanim naaxige'gidih, YALLAL fayu yoh essera. A kitaabal taniimih maqna nagay ismitay ama. Ni kaxxa abbobti a kitaabal yan Yallih yab abe weenimih sabbatah, YALLAK naqbi nee geeh yan.

Yasaqya 26:21

Addunyâ-bagul yan mara inkih ken umaaneh digaala'gidih, YALLI dabqik yawqeh yamaate. Sinam rooci yeyyeeqe mara, aysa baaxo ken mataaqura; qiden marih qabal awqele.

Yasaqya 37:1

Malik-Ciskiyyaahu a yab akah yoobbe innaak, sara isik qanxiseeh sartanah *qabuddat gacca 'yeh YALLIH Qibaadah-Qari gexe.

Yasaqya 37:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Ermiyaas 26:15

yoo qidden sin tekkek, dambi sinni numih qabal foyyah caxxeenimih, umaane sin kee a magaala kee a magaalah mara macabtam taaxigeenimi. Macaay inteenik, yoo rubteeh aham keenih warisaay aylahu keenih kal yok intem, nummaak YALLA» keenik iyye.

Ermiyaas 26:3

A yab yaabben waqdi, edde sugen uma-taama cabaanam takkeh. Ta yab oobba haan waqdi, edde yanin umaanek raaqen ken tekkek, umaane keenil mabaahaay keenik abeyyo excem keenik maaba.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Cabakkuk 2:10

Abba haak sugten umaane, sin kee sin buxah marah qaybi xalele. Mango baaxo bayisseenih, finqa siinih xalele.

Zakariyya 7:2

Beetal deqsitta magaalal yen mari, Sarxer kee Ragemmelek deqsita marih nammay kee woo marih mara, YALLAY Nabaamak Nabahiyyah Qibaadah Qari fan ruuben. Ken akah ruubeenim, seeka kee nabuwwa dooqa keenih abta'gidik ten.