Ermiyaas 25:5 - NABUWWA KEE MALIKWA

⁵ Too nabuwway sin adda amaatuk sugtehiyya siinik inteemih: ‹Uma taama kee qamalliinoy edde taniinihiyyak raaqa. Tahak raqteenik, YALLI sin kee sin kaxxa abbobtih kulli waqdi ikoytah yecee rasul muquk xiinetton› siinik iyyen.

Ermiyaas 25:5 ပူးပေါင်းရင်းမြစ်များ

Yasaqya 1:16

Xagar isinnik taahirroysay, tahaysa taahirik yan mara takkeenimi. Anu abah sin able uma taama caba. Umaane maabina.

Ermiyaas 17:25

tonnal, Dawud qarkaytol tan malikwa kee ken gubal tan reedon, Yarusalaam magaalat culla bukka abelon. Malikwa kee malikwâ-gubal yan mari, faras-gaarit gacca 'teenih, Yuudâ-mara kee Yarusalaam mara wakalih haysitta hayteenih, teetil meekitetton. Yarusalaam magaala daayiman dabaaqah teetil gaca mara mawayta.

Ermiyaas 18:11

Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 4:1

YALLI siinik iyyaamah, «Israayil maraw, yol taduureenim faxxeenik, yol uduura. Anu faxe waa duyyey isinni gabak bicisseenihiyya taqbudeenim cabaay; yi qibaadal digga axcuk,

Ermiyaas 7:7

tonnal sin kaxxa abbobtih kulli waqdi ikoytah ecee baaxol elle aadettoonuuh, sin akak taysaarrem matana» iyye.

Yacedkel 18:30

«Away yoo YALLAY Mulki lehiyya siinik axceemih: kulli numuluuy abba hee umaanek abba heeh gidel kaal ackumeyyo. Tonna'mmay edde tanin dambik uduura. Abtan dambit isinni mabaysina.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.