Ermiyaas 25:34 - NABUWWA KEE MALIKWA

³⁴ Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ermiyaas 25:34 ပူးပေါင်းရင်းမြစ်များ

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yasaqya 2:16

Kaxxa nabna kee qaxa le maraakib finqisele.

Yasaqya 30:14

Raddoonu waytan waqdi, uma'nnah yiddigille buutih innah akketton. Too buutik raaqe galqi yiddigillek wadir xiqam mali. Gombod edde weeraanam luk maraaqa. Lee edde kumsan mingil mayakka» iyye.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 34:7

*Gurquuy beqra kee qande-le-awur Edom marih innah ansugguudumele. Inkih tan baaxo qabalat atlukele. Diyaaye xayti elle caxite burta diimo akkele.

Ermiyaas 18:22

«Anu edde rada'gidih, boodo yoh dagaanamat yaniiniih; garciik edde rada'gidih, oflo yoh heenih yaniini'mmay, oson cube'kal, buxa keenik buuba mara keenit rub. ‹Woyyow, net tekkeemow!› axcuk ken weeqis.

Ermiyaas 22:28

«Yahoyaasin yiddigille galqiy num tu edde wee waah, baaxot qideenihiyya yekkeh mayanaa! Kaa kee kay buxah mara num ken elle aaxige waa baaxo seewah ken akah beenim, wohuk tanih matanaa!»

Ermiyaas 23:1

YALLI iyyemii, «Yi mara bayissaah fixixih rubta malikwat yi cokmi yakku waa saaku, cokmi keenil agibdeele!

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 25:23

Dadan kee Teema kee Buud deqsitta sidooca magaalal yen maraay; amô-xagor namma seltak isik argaquk yen maraay,

Ermiyaas 25:36

Ankacca haay! Baaxoh abbobtih yan mari weeqat yan. YALLI baaxo keenik bayseh, booget yanin.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 48:38

Mooyab marih qarwah amoy elle daffeyaanahiyya kee, sinam elle gaabowta aroocal, a saaku rookak sah yaabben xongolo matan. Anu Mooyab mara ahaysa yiddigille galqiy baaxot qideenihiyya ken abeh an.

Ermiyaas 50:27

Qaskar keenik sela. Saqi innah ken usguuda. Baabelon mari bayele. Keenit digaala edde takku wayta wakti yemeeteh» iyye.

Ermiyaas 6:26

YALLI isi marak iyyeemihii: «*Qabuudut gacaay gombod bagul ubruka. Sin bayisu waa num garciik siinit yemeeteh immay, inki baxay luk sugeenihiyya akak rabe xaleena elle weqta'nnal, weeqaay rookita» iyye.

Yacedkel 34:20

«Tonna-leemiik yoo YALLAY Mulki lehiyya qande le illi kee qande sinni illih fanal cokmi abeyyo.

Daaniyel 11:8

Oson yalla 'yeenih yaqbuden duyyeey birtak bicsen ceeloola kee, dahab kee lakqok bicsen duyye Masri fan dannabah beele. Tohuk lakal dago sanootah Suuriyah malikit qeebi maaba.

Hosiqa 8:8

Gersi rasih mari Israayil yunxuqe. Israayil mari gersi rasih marih innal gaceemih, kallak bicsen buutiy yiddigille yekken.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Zakariyya 10:3

YALLI iyyeemih, «Yi marih amol reeda leh yan allahih-baaxoh mara anqibeeh, ken digaalu waah an. Yuudâ mari yi mara. Ken amo dacrissu waytam yoo. Tah abtu waytam, yoo YALLAY Nabaamak Nabahiyya. Carbi farasay maqar le yoh akkelon.

Zakariyya 11:3

Baaxoh abbobti rookah abta booge ankacisay! Itta luk sugen nabna a saaku weenimih boogisiyyat yanin. Ordon weeqaytih dariifal ten garbo booxah raqteemih, a saaku lubooka abta weeqa ankacisay! Lubooka woo garbot dabaaqah sugte.