Ermiyaas 25:30 - NABUWWA KEE MALIKWA

³⁰ Kaadu qagseh yok iyyeemih, «Taway kaadu keenit takku waytaamat yaabak, keenik intamaa, ‹YALLI qaraanak bagcarritele; kay dabqay taahirik yanihiyyah amook isi marat bagcarriteleeh, kaxxa xongoloh xongolele. Carbih gexa mari edde haa tirtirat heele. Addunyâ-bagul yan marat xongolele.

Ermiyaas 25:30 ပူးပေါင်းရင်းမြစ်များ

2 Samuwel 15:25

Tohuk lakal malik Saadukuk iyyemii, «Qahdi-Sandug magaala fan gacis. YALLI meqem yoh faxek, tet able'gidih is elle yok raqta arac ayrok teena yoo gacsele.

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

2 Aydaad 30:27

Leewî-mara kee seeka a qiidih yemeete marat barkat gaca'gidih, Yalla kallacen. Too dooqa Yalli dabqih elle yan qaraanaak, keenik yoobbeehiiy keenik oggoleh.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Yasaqya 33:3

Ku xongolo radda waqdi, baadal tan ummat kudele. Atu ugutta saaku doolatwa fiik faak akkele.

Yasaqya 42:13

YALLI, celem gaaduh elle gexa'nnal, gaaduh gexele. Carbih gexa num elle gexa'nnal, bagcarritak gexele. Qeebih tirtirisak naqboytiitik aysele.

Ermiyaas 17:12

Ni Qibaadah-Qari, dardaarinni korsiy nabna leeh dumal elle fayya 'ta qaleh amol sugtehiyyah bis le.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 48:33

Mooyab rasuy niqmatak yanihiyyal, Mooyab mari abak suge farcat kee raacat gaba kaleh. A saaku anu kamri-bicsiyyak ken kaleh; qinabak kamri bicsaah, farcatah gad abak yen mari mayanaay; gad elle abak sugen ikkel, rookat yanin.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Hosiqa 5:14

Israayil kee Yuudâ marat lubak qeebi elle aba'nnal keenit abeyyo. Anu innih rike rikeh kurra ken heeh ken cabeyyo. Ken hirriigisu waa waqdi, num ken macata.

Ayyuqel 3:16

YALLI Siyon qaleh amok lubak innah xongolele. Kay xongolo Yarusalaamak antaabbele. Qaran kee baaxo axaxitele. Too saaku YALLI isi ummat dacriseleeh; reebu keenih akkele.

Qaamus 1:2

Qaamus iyyeemih, «YALLI, Siyoonuk lubak xongoloh innah tan xongoloh xongoleeh, Yarusalaamak kaxxa xongoloh xongole. Woo xongolo tontoobbe waqdi, saqi alooluk suge qayso inkih kafte. Karmel qaleh amol coox kee anxaxuk sugtem inkih kafte» 'yaanam iyye.

Qaamus 3:8

Lubak gardam yaabbe way meysite waa num mayan. YALLAY Mulki le yaabe waqdi, kaak yoobbem ummatah warse waa nabi mayan» 'yaanam iyye.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.