Ermiyaas 25:3 - NABUWWA KEE MALIKWA

³ «Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Ermiyaas 25:3 ပူးပေါင်းရင်းမြစ်များ

1 Malikwa 22:3

Acab isi qaskarih abbobtik iyyemii, «Aham fanah Suuriyah-malikih-gabat tan Gilqad-rasul tan Raamot-magaala gacisna'gidih, tuk teena akah abe waynam macaay? Woo magaala ni magaala kinnim mataaxigaana innaa?» iyye.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

2 Aydaad 24:19

YALLI, uma gitak ken waasaana'gidiy kay fan ken gacsaana'gidih, nabuwwa keenil ruube'mmay, ummatah tu gactek, ken yab aabbe cineenih.

2 Aydaad 34:1

Yoosiyaahu naharak Yuudâ malik yekke saaku bacra karmat yen. Soddom kee inki sanat Yarusalaamal malikih suge.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

2 Aydaad 34:8

Malik yekkeemih taban kee bacarhaytô sanat gufe saaku, inkih tan baaxo kee YALLIH Qibaadah-Qari taahir abeeh; sugga 'te duyyeeyay Yallih aftok aqbuduk sugeenihiyya ragid cabsiiseh. Tohuk gaba kale waqdi, YALLIH Qibaadah-Qari nagay bicsaana'gidih, sidiica num ruube. Too sidocuy ruubehiyya Axalyaahû-Safan kee Maqseyaahu deqsita numuy Yarusalaam magaalak xintoh abbah yenehiyya kee Yowaacád-Yowaca deqsita numuy tikki 'taamah kutbeh abeenah yanihiyya ruube.

2 Aydaad 36:15

Ken kaxxa abbobtiy oson akak radeenihiyya aqbuduk sugte Dagelti fiiruk geerah nabuwwa keenih ruubak sugeeh; too nabuwwa kulli way keenit takku waytam naharal elle keenih warisak sugte. YALLI too nabuwwa keenih akah ruubak sugem, ken kee isi Qibaadah-Qari baatik cata'gidik ten.

Yasaqya 55:2

Sin cayise waytaamat lakqo macah finqissan? Satqat akak raqtoonu waytaanamat geytan duyye mabaysina. Yi yab oobbeyaay anu siinik axcem aba; tonnal kulliimik tayse maaqoy niya siinik ruffu edde inta geetton.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 22:21

Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 25:4

YALLI mango adda isi nabuwwa sin adda ruube'mmay, iyyaanam keenik mankacisinnitoonuuy ken farmot baaqid mahanniton.

Ermiyaas 26:5

sin fan ruuba nabuwway yi farmot tanihiyya siinik intaamah ayti acuya. Mango adda sin fan ken ruubak suge'mmay, siinik iyyeenimih ayti maacanniton. Away siinik axcem ankacise wayteenik,

Ermiyaas 29:19

Taham keenil akah baahu waam macaay inteenik, yakkeenimik, inni farmot abbixe inni nabuwwal, kulli way keenih ruubak suge farmo cinak sugeeniih, aba keenik axcem duudusak masuginnon. Taway, isin Baabelon rasuy seewah sin elle heenihiyyal yan marak, isin kaadu anu siinik axcem ankacissaanama. Tahat yabtam yoo YALLA› siinik iyya.

Ermiyaas 32:33

Anu kulli way meqem aba keenik axcuk suge'mmay, tohuh darre yot cabak sugen. Yi yab yaabboonu cineeniih, adabih gacoonu cineenih.

Ermiyaas 35:14

Yonadabak rade mari, ken kaxxa abba keenik aba iyyem abaanaah, ken kaxxa abbah yab uxih yabbixeeniih, baaxot maqidinnon. Hay, isin litoonum macaa? Kulli way sin lih yaaba way, yab yok akah cintaanam macaa?

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 36:1

Yoosiyaahû-Yahoyaakim Yuudâ-malik edde yekke fereyhaytô sanatat, Ermiyaasal YALLIH qangara obteeh; kaak iyyemii,

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 44:4

Fiiruk geerah inni nabuwway yoo takdumehiyya ken fanah ruubeeh; too nabuwwa, Taham Yalli niqba taama'mmay maabina, 'yaanam axcuk keenih warisak sugte.

Ermiyaas 7:13

Isin ta axxul le dambit assaanam uble waqdi, fiiruk geerah sin lih yaabeh immay yok tu aabbe cinteenih. Maabina siinik exceh tu yol magacisinniton.

Ermiyaas 7:25

Sin kaxxa abbobti Masrik eyyeqqa hee ayro akke fanah, nabuwway inni naqoosah liyo mango adda sin fan ruubak suge.

Yacedkel 33:4

Ta anay yaabbe num aabbih tibba 'yeeh, too waqdi naqboyti amma 'yeh kaa qide kaa tekkek, too raba isik wee week, numuk wee waama.

Zakariyya 1:4

Isinni kaxxa abbobti makkina. Sin kaxxa abbobtih dumî-dabaanal yi nabuwwa yi farmo warisak sugteeh; ‹Edde gexxan uma gitak raaqaay, dambit maasina. Toh intam YALLAY Nabaamak Nabahiyya›, 'yaanam keenik axcuk sugen. Takkay immay oson yi nabuwwah yab ankacisak masuginnoonuuy; anu aba axcem oggolak masuginnon.