Ermiyaas 25:16 - NABUWWA KEE MALIKWA

¹⁶ Yaaquboonu waan waqdi lagaq axceloonuuh cissit maraaqan. Cissit akah raaqe waanam, anu keenit ruubu waa maray carbi keenit abu waahiyyah sabbata» yok iyye.

Ermiyaas 25:16 ပူးပေါင်းရင်းမြစ်များ

Ermiyaas 13:12

Ermiyaas kaadu qagseeh iyyemii, «YALLAY Israayil doore Dagelta kinnihiyya yok iyyemii, Israayil marak intaamah, ‹Qinab-kamri edde haan buutitte akah bicsaanam, qinab-kamrik kibaana'gidi› keenik inxic. Too waqdi oson, ‹Toh timixxigeemi› kok iyyeenik,

Ermiyaas 13:14

Too waqdi kibuk tan buutitteh innah tittat ken bodsiiseyyo. Tittin gabat ken qidsiiseyyo. Qunxa num kaxxa numut ruubeyyooh, tittin gabat ken qidsiiseyyo. Keenih maracmataay keenih maxuwaawam keenih waris› yok iyye» iyye.

Ermiyaas 25:27

Sarrak YALLI yok iyyeemih, too marak intaamah, «YALLAY Nabaamak Nabah, Israayil doore Dagelta kinnihiyya, ‹Tama kamrik baqqa hayteenih edde iskirraay allittaay, sarra akak ugute waytan niksoh innikissa intaanam fanah sin afqeyyo. Toh akah axcem, anu siinit ruubu waa maray seefit sin selu waahiyyah ceelallo› 'yaanam siinik iyya» keenik inxic.

Ermiyaas 45:5

Hay, rooci lem inkih digaalu waa saaku, koh rikeek abu waam mayyu'mmay, faxe ikke gexxa way, gexinnaan baaxol kot rooci yasallamay axceyyo. Tonni faxeemi'mmay, kaxxa numuy migaq-gexxo le yoo ablele 'yaanamah yot maqaagin› 'yaanam kok iyye» kaak iyye.

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Qobadya 1:16

«Yuudâ-maraw, isin yi digaalay qeero lehiyya, kamri innah, yi qaley taahirik tanil tooqobeeni'mmay, sin dariifal enna 'ta doolatwa qeeroh tohuk gibdi digaala kamri innah aaqubelon. Yi digaalay qeero le aaqubeloonuuh, bayelon.

Naacum 3:11

Nanawê-maraw, isin kaadu yiskire marih innah lagaggaq edde intaanaah, naqboytiitik sasseenih edde tambooqoren aracih goranah, tardoonu waytan saaki amaatele.