Ermiyaas 25:14 - NABUWWA KEE MALIKWA

¹⁴ A saaku oson yibbixen baaxooxah mara naqoosah loonu'mmay, oson isinnih, marin naqoosa edde yakkoonu waan ayro tanih. Marin naqoosa ken abeyyo. Oson sinaamal bahha heenim keenil baaheyyo› 'yaanam iyye» keenik iyye.

Ermiyaas 25:14 ပူးပေါင်းရင်းမြစ်များ

Yasaqya 13:4

Qaleh amok rada anay ankacisa. Mango maray gaaboowehiyyah anay kee, gaabowte doolatway waxqaxitahiyyak anay rada. Nabaamak Naba YALLI, mango qaskar qeebih bical haa.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 66:6

Kee ummatey ankacisa! Woo magaalah addal taabben xongolo ankacisa! Yallih Qibaadah Qarih addak radda xongolo ankacisa! YALLIH xongoloy isi naqboytit edde digaala'gidih ruubehiyya ankacisa!

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 32:19

Abtam cubbil aba Dagelta kinnito. Atu abtam nabaamak naba. Sinam abba haytam inkih yable Dagelta kinnitooh, kulli marah le taamah innal mekelta.

Ermiyaas 50:41

Yalli kaadu qagseh iyyemii, «Kilbat le kabuk doolat tamaate. Kaxxa doolat kee mango malikwa qeebih bicat tan. Too malikwa akak tamaatu waytam, baaxô maggaraqa.

Ermiyaas 50:9

Kilbat le kabul tan qande le doolatwa titta geysissa heeh, keenit ruubeyyo. Too mari ken abbixele. Too mari keenil hawiseloonuh, qeebil keenik ayselon. A mari admol yimixxige maraay gaysê-baxa qideenik wadir, irbak boohak mahoxsan.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Daaniyel 5:28

«Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.