Ermiyaas 25:11 - NABUWWA KEE MALIKWA

¹¹ Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 25:11 ပူးပေါင်းရင်းမြစ်များ

2 Aydaad 36:20

Rabak raaqe mara Baabelon rasu fan seewah orbiseeh; tokkel Fursi-malik reedda 'yam fanah, Baabelon malik kee kay marih gubal ken akdamuk sugen.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 27:22

«Ta duyye ellecabol Baabelon rasu fan dannabah beeloonuuh; anu sarra akah gacsan innah keenik abam fanah, tokkel elle sugele. Sarrak beenih sugen duyye inkih le aracah gacseyyo. Tahat yabtam yoo YALLA» 'yaanam iyye keenik exce.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 28:14

‹YALLAY Nabaamak Nabah, Israayil doore Dagelta kinnihiyya, Aham fanah Baabelon-malik cooxuk bicsen madmad fillal akak abbaxuk suggu 'ye marak, ahak wadir meqe'nnah kaah taamitaana'gidih, birtak bicsen madmad fillal keenik heeyyo. Tohuk wadirih kay taamat gaceloonuuh, kay taama abelon. Sahda hinna'mmay, alluwwah agantah, kay milkih xiinele› 'yaanam kaak inxic» kaak iyye.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ermiyaas 4:26

Mangom elle aabakuk ten baaxo bacarih raqtam uble. Wokkel ten magaalooli abuuruh raqteh ten. Toh akah tekkem, YALLIH naqabih sabbatak ten. Too wacyi tublem yoo.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 43:10

Too waqdi keenik intaamah, ‹YALLAY Nabaamak Nabah, Israayil doore Dagelta kinnihiyya iyyamaa: Baabelon-malikiy yi taama abahiyya tama baaxo fan baaheyyo siinik iyya› keenik inxic. ‹Baabelon-malik, anu away dageeh, xeet addat akak ubkune aracal isi korsi haysiteleeh, kay siraq tama'kkel gacele.

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Yacedkel 12:19

Taham Israayil maray away isi baaxol yanihiyyat takku waytaamih ceelallo takke'gidih ab. Israayil mari yaaqubeeh yakme waqdi meysih axaxitele. Sahdah cakkiy yaaxigeenihiyya maloonuuy; edde yaniinim kulli way baatili kinnuk, oson elle yanin baaxo suge wayteh innah gacele.

Yacedkel 29:11

Num sinniih lac sinni abuuruh cabeyyo. Morootom sanatah lac elle wessa m'iyya; sahdayti elle mayangayya.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Zakariyya 1:12

Too waqdi YALLIH-malaykatti, YALLAK iyyeemih, «Nabaamak Naba YALLAW, taham fanah Yarusalaam magaala kee Yuudâ magaaloolil tan ummatah malcina-tabanih sanatih gide naqabut sugte. YALLAW, ahaysa ku racmatta keenil obtu waytam maa saaku?» iyye.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.