Ermiyaas 24:6 - NABUWWA KEE MALIKWA

⁶ Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Ermiyaas 24:6 ပူးပေါင်းရင်းမြစ်များ

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

Nacmiya 5:19

«Yi Dageltaw, a marah baguuk abam foyya yok maabin» axcuk Yalla kallace.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Ermiyaas 1:10

Ummatta kee doolat ragidik edde siibtaah deerik afah ken edde korissaah edde ken bayissaah edde ken xise kee buxux keenik edde daabise takke qande kot heeh ani'mmay a saaku tama yab yok raaqis› yok iyye» 'yaanam iyye.

Ermiyaas 12:15

Woo baaxok ken kalek lakal, keenih xuwaaweyyo. Kulli baaxoh mara keenik le rasuh gacseyyo.

Ermiyaas 21:10

A magaala cabam mafaxay baysam faxa. Baabelon malikih gabat tet bayseyyo. Too malik carrissaay gomboduh gacissa tet heele. Tahat yabtam yoo YALLA› 'yaanam iyye» keenik exce.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 29:10

« ‹Tonna'mmay Baabelon doolatah looweh an malcina-tabanih sanat guffa haa saaku, siinih looweh an maqaane siinih abeyyo. Toh macaay inteenik, siinik akah exce innah, inni qahdiy siinih cule duuduseyyooh, sin baaxo sin gacseyyo.

Ermiyaas 31:28

Duma ragidik ken siibak sugeeh, ragidik ken aggaluk suge. Deerik afah ken edde korisak ken bayisak suge. Duma umaane keenit edde aba uddur wagitak suge'mmay, ahak wadir edde ken xisaah daabisa uddur keenih wagteyyo.

Ermiyaas 31:4

Kiciyyo Israayil maraw, ahak sarra sin xiseyyo; ahak sarra karambo xabqet hayya hayteenih farcatah digiretton.

Ermiyaas 32:37

Duma abeh an bagcarrah ken fixixiseyyooh, baaxo ken cabsiiseyyo'mmay, wadir gaabossa ken heeh, a baaxo ken gacseyyo. Akke gacissa ken heeh, tohuk wadir amaanah ken xiiniseyyo.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Ermiyaas 33:7

Israayil kee Yuudah yooboke mara, seewah ken been baaxok, ken baaxo ken gacseyyooh, duma akah suggu 'yen mara ken abeyyo.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 39:12

«Gexay Ermiyaas elle aninnaan ikkek gorrissa kaa haay baahaay, meqe aracal kaa hay. Umam kaal mabaahin. Usuk yoh ab axcinnaanim kaah ab» kaak iyye.

Ermiyaas 42:10

‹Ama elle tanin rasul elle teedeenik, qarih innah sin xiseyyo ikkal, sin maggila. Caxah innah sin daabiseyyo ikkal, ahaysa buxuxuk sin masiiba. Siinil oobisem afqado yok biyakteh.

Yacedkel 36:24

Macaay inteenik, kulli doolat kee baaxoh addak bahha sin heeh, sin baaxo sin heeyyo.

Qaamus 9:14

Israayiliy yi ummat kinnihiyya le baaxoh gacseyyo. Tiddigille magaalooliy abur tekke wadir xiseloonuuh; addal dabaaqah akak gacelon. Qinab aysubukeloonuuh, qinabak bicsen kamri attaaqabbelon. Mango coox aysubukeloonuh xaylo akak akmelon.