Ermiyaas 24:5 - NABUWWA KEE MALIKWA

⁵ ‹Hay tonnal, yoo YALLAY Israayil doore Dagelta kinnihiyya axcemii, Yuudâ-baaxok Baabelon rasu seewah ruube mari tama sublâ-xayloy naharak toobokehiyyah bis le. Meqe xintoh ken xiiniseyyo.

Ermiyaas 24:5 ပူးပေါင်းရင်းမြစ်များ

Ermiyaas 24:4

«Sarrak YALLIH qangara yol obteeh yok iyyemii,

Ermiyaas 29:11

Siinih looweh an maqaaneh adda taaxigem yooy; siinih looweh abbixem, siinih meqe niqmata'kkal, sin biyakta umaane hinna. Takkay immay amaan akak geettoonuuh, isin geenno axcuk qambaalitak sugten maqaane akak geetton.

Ermiyaas 29:4

«YALLAY Nabaamak Nabah, Israayil doore Dagelta kinnihiyya, Malik-Nabkadnessar gabat Yarusalaam-magaalak Baabelon fan seewah ruube maraw, siinik iyyaamah,

Yacedkel 11:17

«Anu keenik inxic axcem keenih waris. ‹Fixixih sin elle abbixe baaxooxak sin gacseyyo. Israayil baaxo ahaksa siinih aceeyyo.

Yacedkel 11:20

Too saaku yi xinto oggoletton. Anu aba axcem abetton. Isin yi mara akkettoonuuh; anu sin Dagelta akkeyyo.

Naacum 1:7

Maqaane YALLI imi. Isi mara gadaamal cata. Kaa wadbita mara dacrisah.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.