Ermiyaas 24:1 - NABUWWA KEE MALIKWA

¹ Ermiyaas iyyeemih, «Baabelon malikiy migaaqah Nabkadnessar deqsitahiyya, Malik Yahoyaakím-Yahoyaasin kee kay gubal ten xintoh abbobti kee, naggaaritte kee taamah ixxiga luk yen mara gaabossa heeh, Yarusalaam magaalak Baabelon rasu fanah seewah beyya heek lakal, YALLI wacyih namma kafaqay YALLIH Qibaadah-Qarik foocal daffessa heeniy addat *sublâ-xaylo akak tani yoo yuybullee.

Ermiyaas 24:1 ပူးပေါင်းရင်းမြစ်များ

2 Malikwa 24:10

Usuk malikih yen dabaanal, Baabelon-qaskar Yarusalaam fan gaaduh gexxeeh magaalat maro hayte. Too gaadu absissem, Baabelon-malikik teneeh; gabat akak absiisem, kay qaskar abbobtih yen marak ten.

2 Aydaad 36:10

Sugum rade waqdi Baabelon malik yemeeteeh, Yahoyaasin Baabelon fanah seewah bee. YALLIH Qibaadah-Qaril sugte duyye kaadu dannabah bee. Sarrak Yahoyaasin qammiy migaaqah Xidkiya deqsitak yenehiyya Yuudâ-mara kee Yarusalaam marak malik abeh cabe.

Yasaqya 13:1

Yalli Baabeloonuh giddinaamak Amóx-Yasaqyal ruube farmo ah teeti.

Ermiyaas 13:19

Yuudâ-magaalooliy gabbi-qaxat raqtahiyya marot heen. Tokke fanah edde yamaaten gita mageyan. Yuudâ-mara yakkeenimiik seewah beenih› yok iyye» iyye.

Ermiyaas 28:4

Malik Yahoyaakím-Yahoyaasin kee kaak kalah yan Yuudah maray Baabelon rasu fan seewah orbiseenihiyya kaadu akke gacseyyo. Ahaysa Baabelon-malik sinam fillal abbaxuk suge *madmad aggiggileyyo. Tahat yabtam yoo YALLA› 'yaanam iyye» iyye.

Ermiyaas 29:1

Sarrak Ermiyaas, seeka kee nabuwwaay ummatak saqoltih yan mara kee, raqqa 'ye maray Yarusalaamaak Baabelon-rasu fan seewah orbiseenihiyyah warkat yuktubeh ruube.

Ermiyaas 29:2

Ta warkat yuktubeh ruubem, malik Yahoyaasin kee kay inaay kay gubal taamitak suge doolatak saqoltih yan maraay, Yuudâ-rasu kee Yarusalaam magaalal saqoltih suge maraay, gabâ-naggarinna luk yen mara kee, wohuk kalah tan taamah ixxiga luk yen mara inkih seewah Baabelon rasu beenik sarrak ten.

Ermiyaas 37:1

Baabelon-malikih yen Nabkadnessar baaxo yibbixek lakal, Yahoyaakím-Yahoyaasiniy malikih sugehiyyah aracal, Yoosiyaahû-Xidkiya Yuudâ-malikih hee.

Yacedkel 19:9

Sanat birta kaak hayya heen; birti qarit kaa hayya heen; Baabelon malik fan kaa been. Israayil fan 'kah gexe waah, kay gardo antaabbe wayta'gid, casbik addat kaa yoxeenih.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Qaamus 7:1

Qaamus kaadu iyyemii, «YALLAY Mulki lehiyya sirri yoo yuybulleeh; tohu, malik daro orobba 'teh nammayhaytô-daro edde taabuke waktit, Yalli too darot qadad sinni qanaytu ruubah uble.

Qaamus 7:4

«Tohuk kalah kaadu gersi sirri yoo yuybulle. Too saaku kaadu ublemii, YALLAY Mulki le ummat girat digaala'gidih bicat yanim uble. Too gira baaxok guba raaqa kaxxa bad akamih uble. Too badak gaba kalte waqdi baaxo kaadu cararisah uble.

Qaamus 7:7

«Wohuk kalah gersi sirri yoo yuybulle. Too sirril xisen gidaarih xaqul Goyta soolah uble. Woo gidaar missat xiseenim kee xise weenim elle yaaxigen miizaan gabat abbaxih kaa uble.

Zakariyya 1:20

Tohuk lakal YALLI, affara numuy maataka gabat leeh naggaareenih tani yoo yuybulle.

Zakariyya 3:1

Sarrak Yalli aki wacyi yoo yuybulle. Tohuu, kaxxa seekih yen Yoosuwa YALLIH malaykattih foocal soolah uble. Yoosuwak migdi tattabat Seetan soolah uble. Seetan Yoosuwa yastikiyuh bical gaceh yen.