Ermiyaas 23:34 - NABUWWA KEE MALIKWA

³⁴ Hinna'mmay oson, ‹YALLI ruube quuka› 'yaanam axcih ken toobbek, toh iyya num kee kay buxah mara bayseyyom keenih waris.

Ermiyaas 23:34 ပူးပေါင်းရင်းမြစ်များ

Ermiyaas 36:31

Koo kee kok rade mara kee, ku doolatak saqoltih yan mara inkih, abba hayten dambih sin digaaleyyo. Koo kee Yarusalaam magaalal yan mara kee Yuudah yooboke marak, «Maabinay uduura» 'yaanam siinik exceh suge'mmay, woh num siinik moggolinna. Tonna leemiik duma siinil oobiseyyo exce balak tu macabay siinil oobiseyyo› 'yaanam kaak inxic» iyye.

Naacum 1:1

Yalli Nanawê magaalah giddinaamak ruube farmo ah teeti. Elkos deqsita aracal yooboke Naacum deqsita nabil, Yallih wacyi oobeeh; Naacum yublem a kitaabal yuktube.

Zakariyya 13:3

Tahak wadir ‹Nabi kinniyooh wacyi ubleeh, wonnah tanim akkele› iyya num yenek, kay ina kee kay abba, ‹YALLI edde yaabe wee yaabat yabteeh, dirab teceeh; tonna leemiik rabtam kol tan› kaak axcelon. Tonnah yan diraabat yaabah kaa yoobben waqdi, kay xaleena kinni way seefit kaa qidele.