Ermiyaas 23:19 - NABUWWA KEE MALIKWA

¹⁹ YALLIH naqbi mermeritta-caacoh gideey; umeynit baysele.

Ermiyaas 23:19 ပူးပေါင်းရင်းမြစ်များ

Yasaqya 21:1

Yalli, badak garil tan baaxoy sahda dabaaqah elle deedaltahiyyah giddinaamak, ruube farmo ah teeti. Gabbi-qaxak tamaate caacoh innah, bacarih tan baaxoy sinam kaxxam akak meysittahiyyak tu amaatih able.

Yasaqya 40:24

Ubukka 'teh cabaaritte, qunxa caxah gide kinnon. Yalli caaco ruuba waqdi, qunxa caxa cabaarittah; kaffa karacca 'tah rabtah. Baaxoh abbobti too gide. Caaco beyta caffa yakken.

Ermiyaas 25:31

Usuk aba xongolok radah yan qalê-berri baaxô-maggaraqal antaabbele. YALLI ummattak inkih malkitele; keenik waamah isih keenil ackumele. Uma-maral rabi cokmi abele. Tahat yabtam YALLA› 'yaanam keenik inxic.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Ermiyaas 30:23

YALLIH naqbi mermeritta-caacoh gideey; umeynit baysele. Isih faxem abe'kal, kay bagcarra maxabbacowta; keenih loowe digaala keenit abele'kkal macaba. Kay ummat sarra yan saaku tahat radele.

Ermiyaas 4:11

YALLI Yarusalaam mara lih edde yaabu waa uddur yemeeteh. Iyyu waamah, «Laqin caacayay xagar cararisahiyya bacarih tan baaxok sin fan ruubeyyo. Yamaatu waa caacay qunxa caacayay caffa gabat beya hinna.

Ermiyaas 51:1

YALLI iyyeemih, «Baabelon-rasu kee Baabelon marat sinam baysa caacay ruubeyyo.

Yacedkel 1:4

Amo iroh fayya hee waqdi, kaxxa caaco kilbat le kabuk amaatih uble. Kaxxa qamburreh addat cankaxay bixiq iyya uble. Cankaxi bixiq elle iyya'kkel, nacaas innah tanim ifah uble.

Yacedkel 13:13

YALLAY Mulki lehiyya iyyaamah, «Anu bagcarrita saaku, sin baysa'gidih kaxxa caaco kee roobuy arroqle lehiyya ruubeyyo.

Qaamus 1:14

Tohuk gexxaamah, Rabba deqsitta magaalat maroh tan gasot gira ruubeyyo. Woo magaalal tan megdebittet gira ruubeyyo. Too ayro kaxxa deero kee waxxaqa radele. Too carbiy caffat gexxe girah innah baaxo gufele.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.

Zakariyya 9:14

YALLI isi marak daga raaqa aracal gacca 'yeh, cankaxi innah isi gaysê-baxa ruubele. YALLAY Mulki lehiyya baanta kaayisak, gabbi qaxak caacoh addat amaatuk qeebi abele.