Ermiyaas 23:14 - NABUWWA KEE MALIKWA

¹⁴ Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 23:14 ပူးပေါင်းရင်းမြစ်များ

Yasaqya 9:15

Amo keenik idoolay oson assakaxxuk sugeeniiy; geerah keenik tanim, nabuwwa kinnino iyya maray dirab acayuk sugehiyya.

Ermiyaas 14:14

Too waqdi YALLI yok iyyemii, «Ama nabuwwa kinnino iyya mari sin lih edde yaabam diraaba. ‹Yalli nee ruube› 'yaanam siinik iyyaanaah, ‹Yalli wacyih woh nek iyye; ah nek iyye› iyyaana'mmay, toh diraaba. Anu ken maruubinniyo. ‹Wonnah yan saaku woh akkeleeh, ah akkele› axcuk keenih warsaanam tanim hinna. Isinni amok yeyyeeqeenih baahan yaaba.

Ermiyaas 18:13

YALLI iyyemii, «Israayil rasul ahayduma akke waytem tekkeh tan. Lubnaan rasul tan qaleelah amol arroqle kibuk suge wayta ayro masuginna. Woo qaleelah baguk lee darah oobe wayta saaki masuginna. Annah tanim kulli way taniimiiy qusbam hinna. Yi marah tu gactek, qusbaamay ceele waytahiyyat aseh yan. Ahayduma sinam abe wayteeh, aabbe wayteemit aseh yan. Toh macaay inteenik, Israayil mari edde asem, uma yabulih taniimi.

Ermiyaas 20:16

A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 23:22

Yi maroh addal, anu lih yaaba mara yakkeenimil, yi marah warisa keenik excem warisak yenen; away edde yanin umaane kee edde gexan uma gitak ken raaqisak yenen» 'yaanam iyye.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

Ermiyaas 29:21

«Tonna'mmay YALLAY Nabaamak Nabah, Israayil doore Dagelta kinnihiyya, Kolaayah-Acab kee Maqseyaahû-Xidkiya deqsitta namma numih tiyak iyyaamah, ‹Oson siinil yaceenim diraabaay; YALLI nek iyye axcuk diraabat sin lih yaaban. A namma num, Malik-Nabkadnessar gabal ken heeyyo. Too malik siinik foocal xabba ken heeh ken qidele.

Ermiyaas 29:23

Ellecabol keenit takku waytam tamahaay; tamah keenit akah takku waytam, oson edde asan kaxxa dambih sabbata. Cuggaaneh keenik yan marih agabu dalwisan. YALLI nek iyye axcuk, YALLI keenik axce weem diraabah sinaamal yaceen. Taham YALLI isih keenik yuble qaadaay isih keenil akah sumaaqita. Taham intam YALLA›» axcuk, warkatal kutbeh heeh ruube.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 49:18

Duma Sodom kee Gomorra kee ken dariifal sugte gaandoodit tekke umaane Edomut akkele. Sahdayti teetil wadiriik magaca. Tahat yabtam yoo YALLA» iyye.

Yacedkel 13:16

Ane waah yan amaanah ‹Amaan yani› axcuk, Yarusalaam maral dirab yecee mari too saaku masuga. Tahat yabtam yoo YALLAY Mulki lehiyya» 'yaanam yok iyye.

Yacedkel 13:19

Inki gaba kibe wayta gabru deqsitta daro akke kee, hinnay kaadu, gaqamboytâ-rike geytaana'gidih, sahdak foocal qaybik yoo qiddan. Yi maray sin yab numma yakkaleenihiyyal dirab acayuk, rabi akah aguude waa mara qiddaanaah, rabi akah yaguude mara cabtaanah. Tonnal qaybik yoo qiddan› siinik iyya» iyye.

Yacedkel 22:25

Too baaxol tan abbobti, qiden saqih amol garadda lubookah bis lon. Ummatta uma qidimih qiden. Lakqo yellekiiy duyye yellek, keenit macabaanay keenik beyaanah. Oson sahdat aban qidimih, mango agbi gubuunuh raaqe.

Hosiqa 6:10

Israayil addal, ableh uma umaane akkih able. Yi mari duyyeeyâ-qibaadat gaceeh nadaasa is abe.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.

Malaaki 1:1

YALLI Israayil marah Malaaki deqsita nabil ruube farmo ah teeti.