Ermiyaas 22:9 - NABUWWA KEE MALIKWA

⁹ Sinam, ‹Amah YALLI teetil akah baahem, teetil yen mari YALLAY ken Dagelta kinnihiyya lih luk yen qahdi hawweeneenih, kaa cabba heenih duyyey gabak bicseenihiyya yaqbudeenim baahen› 'yaanam axcelon, 'yaanam kaak inxic, yok iyye» iyye.

Ermiyaas 22:9 ပူးပေါင်းရင်းမြစ်များ

1 Malikwa 9:8

Away tablen Qibaadah-Qari kaxxa qari'mmay abur akkeleeh; wokkek gitah gaca mari a abur yabalu waa waqdi wariggiteloonuuh, qagabsitelon. ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 34:25

Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Ermiyaas 11:10

Ken kaxxa abbobtiy yi amri cintehiyya abak ten dambi, oson kaadu aban. Yalla akke sinni duyyey gabak bicseenihiyya yaqbuden. Israayil kee Yuudah ummat, anu duma ken kaxxa abbobti lih heeh suge qahdi yol makeenih.

Ermiyaas 11:3

‹Yoo YALLAY Israayil doore Dagelta kinnihiyya, sin kee yi fanal yekke qahdi xagure waa mara abaareyyom keenih waris. Ta qahdi, anu ken kaxxa abbobti Masri rasuy urta gira keenil yekkehiyyak ken baahe saaku, ken lih hee qahdi. Too saaku, «Yi amri oobbeyaay anu siinik aba axcem aba» 'yaanam keenik exceh en. Yi yab oggolteenik, yi mara akkettoonuuh; anu kaadu sin Dagelta akkeyyo, keenik exceh en.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 50:7

Ken gennaan mari maysattaka keenit abe. Ken qidda heenih wadir, ‹Ken qidneh immay ken qidaanam dambi nel matakka. Toh akah kinnim, ken Dageltay amo keenik wagitak sugehiyyal dambi lem baaheeniih, ken abbobti imaan elle luk sugte Dageltal imaan hoonu cineenih. Tohuk gexxaamah keenit tekkeemi› 'yaanam iyyan.

Ermiyaas 9:13

Too waqdi YALLI iyyeemih, «Aham keenit akah takku waytaamak sabab macaay intek, yi mari keenih hee xinto yok cineeh, aba keenik excem kee anu keenih ruube kitaabal tanim abe cineenih.

Yacedkel 12:16

Ken yabbixu waa qeebi kee qulul kee dalkak dago mara keenik cateyyo. Toh akah abu waam, rabak raqte saabo duma abak sugeenim uma taama kinnim, fanat ken akah fixiixise marah warsaana'gidi. YALLA kinniyom too waqdi yok aaxigelon» yok iyye.

Yacedkel 14:23

Abba heem akah abeh meqe sabab too saaku yok aaxigetton. Tahat yabtam yoo YALLAY Mulki lehiyya» iyye.

Yacedkel 39:23

Israayil mara seewah marin baaxo akah beenim, ken umaane kee yol baahen ceele wayto kinnim, gersi baaxoh ummat inkih aaxigele. Anu too waqdi darre keenit cabeeh, ken naqboytit carbil keenik akah tayse'nnah abe. Qeebit raben.

Yacedkel 5:15

«Yi naqabu kee bala siinil obtam yableeh anu sin digaalam yable mari, siinik sakkiteleeh; sahda bursuttaah anqaasah elle rabta mara akketton. Siinit tekkem gersi marah sarrah kas akkele.