Ermiyaas 22:22 - NABUWWA KEE MALIKWA

²² Isin abten umaaneh qaybit radettoonuuh; qawrat sin abbixele. Abbobti siinik caaco caffa elle beyta'nnal beeloonuuh; carbil sin catak yen mara seewah beelon.

Ermiyaas 22:22 ပူးပေါင်းရင်းမြစ်များ

Yasaqya 64:6

Nakkeemik caraamuk yan mara nekke. Abba hayna meqe taama nek inkih, abicih tan saroh innah tan. Abnah nan dambik gexxaamah laqaymumma 'yeh kafe ayyuufay caacayat gexah gidek nan.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Ermiyaas 10:21

Too waqdi anu keenik excemii, «Nek saqoltih yan mari xangi-maleela kinnon. YALLAK, ‹YALLAW gita atu nee uybulluy› maxaccinnon. Ni marat ah akah tekkeeh, fixix ken akah yibbixem tohu.

Ermiyaas 12:10

Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 2:36

Cubbuse wayti kee baaqid sinnak gexxaamah, edde sugten caalat korisseenih. Assuuriyah mari sin akah wacarroyse innah, Masri mari kaadu sin wacarroysele.

Ermiyaas 2:37

Masri addak wacarriyih gamoomak awqetton. Anu isin elle teemenen mara siinik cineh. Tonnal oson siinih tu xiqe waa mara akkelon» 'yaanam YALLI siinik iyya.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 30:14

Naqboytat aban atka siinit abe; siinit tekke digaala, gibdi digaala. Toh siinik akah abem, dambi siinik manguk sugeeh; edde sugteenim kaxxa umaane kinniimih sabbata. Tonna leemiik qalla-sin-lih-luk-suge-mari sin hawweenih; siinit waanam malon.

Ermiyaas 4:30

Yarusalaamey, baati koo tibbixek, sugay abtam macaay? Qax-meqe sartanat macah gacta? Dahabak bicsen bila xagarat bilqah macah hayta? Intil kucul macah isik hayta? Foyyah bilqitta'kkal, koo kicinuk suge mari kok cayyeh. A saaku koo qidaanam faxan.

Ermiyaas 5:13

Nabuwwa ufuyuk kiben karbatik gide ikkal, xiqaanam malonuuy, Yallak baahan farmo malon. Oson iyyeenim keenit takku waytaama» iyyen.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Zakariyya 11:17

Woyyow tu xiqe waa duweenat takku waytaama! Isi illih amo mawagitinna. Gaba kee migdi inti kaak seefit mudduntay! Gaba kaak kaftay! Migdi inti waay!» iyye.

Zakariyya 11:8

Sidooca duweenay yoo niqba yeneeh; sarra ken faxe cineeh, inki alsih addat wokkek ken xiiriyeh.