Ermiyaas 22:21 - NABUWWA KEE MALIKWA

²¹ Gaddaleelah sugten saaku, anu sin lih yaabeh immay, ‹Ku yab mankacisna› inteenih yoo cinteenih. Qunxaaneey takke yi yab oggolten saaku manton.

Ermiyaas 22:21 ပူးပေါင်းရင်းမြစ်များ

2 Aydaad 33:10

YALLI, Manasse kee Manassê-marak, «Ahat maasina» 'yaanam iyyeh immay, oson woh moggolinnon.

Yasaqya 48:8

«Yaaminen mara hinnitoonum aaxigeh. Qunxaaneey akke qamalleela kinnitoonum aaxigeh. Aham akah aabbe wayteeniih xaagu akah gee wayteenim tohu» 'yaanam iyye.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 2:25

‹Israayil ummatey, Yalla akke sinni duyye taqbudeeni'gidih ib-qassih magexina. Katla isinnik foyyah makafsina› 'yaanam siinik exce'mmay isin, ‹Aleeyyah, ahaysa manaduura. Marin mari yaqbudem naqbudem kicinnoh, akak maraqna› 'yaanam inten.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Ermiyaas 25:4

YALLI mango adda isi nabuwwa sin adda ruube'mmay, iyyaanam keenik mankacisinnitoonuuy ken farmot baaqid mahanniton.

Ermiyaas 25:7

«YALLI, ‹Yi yab cinteeniih, duyye qibaadat gacteenimih sabbatah, yi bagcarra sin maadde; yi naqabu isinnih isinnil oobissen› 'yaanam siinik iyye» keenik iyye.

Ermiyaas 25:8

Kaadu qagseh keenik iyyemii, «YALLAY Nabaamak Nabahiyya siinik iyyamaa, ‹Yi yab cinteeniih; tohuk gexxaamah,

Ermiyaas 3:24

Duyyey naqbudehiyya qaybik sah neh xiqtam mali. Too qibaaday abnehiyyah sabbatah, ni kaxxa abbobti nagrah neh cabte midir nek yembexeh. Ninni xaylo wayneh. Ni kaxxa abbobti dumî-dabaanaak akah taqabba 'tem inkih wayneh.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 32:30

Israayil kee Yuudâ-marih abto, yoo ruffu hayte saaku mali. Ken taama fiiruk geerah bagi-cararow yol tekkeh tan. Tahat yabtam yoo YALLA.

Ermiyaas 35:15

Nabuwway yi farmot tanihiyya fiiruk geerah sin adda ruubeeh, too nabuwwa, «Uma-taama cabaay cakkih tan taamah taamita» 'yaanam siinik inte. «Yalli sin kaxxa abbobti kee siinih ikoytah yecee baaxol muquk xintaanam faxxeenik, maabinaay; Yalla cabba hayteenih xeet kee coox maqbudina» 'yaanam siinik mango adda iyyen. Tohuh, ken yab maabbinnitoonuuy, yot baaqid mahanniton.

Ermiyaas 48:11

YALLI iyyeemih, «Mooyab mari dumah yan saaku amaanah sugeeh, seewah ahaydumah ken orbiseenih masuginnon. Ken tesgeyyem masuginnaay; qibnah innah isinni buxak yewqeenih masuginnon. Tohuk gexxaamah massaamma yubleenih masuginnon.

Ermiyaas 6:16

YALLI isi marak iyyeemih, «Giti elle yangale maglallal solla inxicay baaxo wagitay! Dumî dabaanal sugte gititte cubbusa. Yayse gitay siinih yascassoonu waanahiyyat gexa. Too gitat gexxeenik, amaan geetton» iyye. Takkay immay toh keenih warse waqdi kaal gacseenimih, «Aleeyyah yayse gitat magenna» iyyen.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Yacedkel 20:21

«Takkay immay ken xaylo kaadu yi yab cinaanam bahte. Yi amri kee yi xintoy duuduse numuh waar teceehiyya cineenih. Sabti ayro nadaasa aben. Too saaku kaadu woo bacarih tan baaxol inni naqabu keenil oobiseh ken baysam faxe.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Xafanya 3:2

Yarusalaam magaalah mari YALLIH yab cineeh, YALLI keenik akah xiina iyye meqe manoh xiinaanam cineenih. Imaan YALLAL hoonu cineeniih; kaal cato essera mara makkinnon.

Zakariyya 7:7

Aham dumî-dabaanal sugte nabuwwal YALLI ruube farmo. Too waktit Yarusalaamal ummat cayit teneeh; Yarusalaam kee tet dariifal ten mandarwal mango ummat dabaaqah ten saakuk ten. Too dabaanal ummat kaadu gabbi-qaxat raqta Yuudâ-baaxo kee ayrô-culmat raqta mango koomaami le baaxol inkih ten.