Ermiyaas 22:19 - NABUWWA KEE MALIKWA

¹⁹ Rabta saaku, rabe danan hirriigisak elle beyan innal, lafa kok hirriigisak beyya heenih magaalak afal qidelon» 'yaanam kok iyye. YALLI iyyeemih:

Ermiyaas 22:19 ပူးပေါင်းရင်းမြစ်များ

1 Malikwa 14:10

Tohuk gexxaamah ku dardaarinnal bala oobiseyyo. Kok radda labhak baacoytit takkuu, gaddaloola takku, inkih ken qideyyo; buxâ-mara kok bayseyyo. Saqi-dacah innah baaxot ken qidelon.

2 Malikwa 23:36

Yahoyaakim malik yekke saaku qumrik labaatanna kee koona karmat yen. Sarrak Yarusalaamal taban kee inki sanat malikih suge. Kay ina Dabudda deqsitak ten. Teetik abba Ruuma deqsitta magaalal yooboke Fadaaya deqsita numuk ten.

2 Malikwa 24:6

Yahoyaakim rabeeh; kay baxi Yahoyaasin kay aracal malik yekke.

2 Malikwa 9:35

Sarrak sahda tet taagaqu gexxe waqdi, moyyâ-lafa kee, gaboobi kee ibitteh lafoofik sarrah tu magennon.

2 Aydaad 36:6

Nabkadnessar deqsita malikiy Baabelon malikih yenehiyya Yuudâ-baaxo warare. Yahoyaakim nacaasak bicsen silsilatat uxuyya heeh, Baabelon fan seewah kaa bee.

Ermiyaas 15:3

Yoo YALLI ta affaraamay ken bayissu waytahiyya keenil ruubu waamal gaba kaleh an. Carbit rabeloonuuh, ginaada keenik kuuta hirriigiseleeh, qambil gadda akkele. Wohuk raqtem garboh alluwwa akmele.

Ermiyaas 36:30

yooy YALLAH yani tohul kol gacsam liyo. Ahak wadir kok rade mari Dawud-qarkayto managra. Dawuduk raaqe dardaarinna managran. Ku qaada koh warisu waa. Ku raysi laqo ayrô bagul qangalaylut aseleeh, bar waacal xiinele.

Ermiyaas 36:6

atu ummat soomuh assa saaku Qibaadâ-Qari gexxa 'xicay, tama taway koh warse yaabay tuktubehiyya keenik foocal, anay fayya haay kawsa keenih ab. Tamah inkih YALLIH yaabaay; YALLI keenih warisa yok iyye yaaba. Tonna'mmay Yuudâ-maray magaaloolik yemeeteh agantah akah yaabben innah, keenik foocal anay fayya haak kawsa keenih ab.

Ermiyaas 8:2

Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

Yacedkel 19:8

Ummatta kay admoh gexxuh yakkeenimik titta geyte. Kulli kabuk gaabooweenih, kaa edde yabbixeeni'gidih, kaxxa sabak kaah qiden. Dagen boodot kaa yibbixen.

Yacedkel 39:5

Kaxxa booxak bagul ginaada kok raaqele. Tahat yabtam yoo YALLAY Mulki lehiyya› inxic» iyye.